Qazaqstan Respýblıkasynyń delegasııasyn QR IIDM Azamattyq avıasııa komıtetiniń tóraǵasy Talǵat Lastaev, О́zbekstan Respýblıkasynyń delegasııasyn Kólik mınıstriniń orynbasary Jasúrbek Horıev basqardy.
Kelissózder barysynda taraptar reıster sanyn odan ári arttyrý jáne ushý geografııasyn keńeıtý máselelerin talqylady.
Taraptar Astana – Tashkent baǵyttary boıynsha ruqsat etilgen reıster sanyn aptasyna 12–den 36 reıske deıin (ósim 80%) jáne Almaty-Tashkent baǵyttary boıynsha aptasyna 20-dan 36 reıske deıin (ósim 200%), al qalǵan baǵyttar boıynsha aptasyna 4 reıske deıin eki eseden astam ulǵaıtýǵa ýaǵdalasty.
Osylaısha, qol jetkizilgen ýaǵdalastyqtar negizinde aǵymdaǵy jyldyń kóktemgi-jazǵy kezeńinen bastap «Eır Astana» jáne «Uzbekistan Airways» áýe kompanııalary Almaty – Tashkent baǵyty boıynsha jıilikter sanyn aptasyna 14–ten 20 reıske deıin jáne Astana-Tashkent baǵyty boıynsha aptasyna 6-dan 12 reıske deıin ulǵaıtýdy josparlap otyr.
Básekelestikti jáne saýda-ekonomıkalyq yntymaqtastyqty damytý, sondaı-aq avıabıletterdiń qunyn tómendetý maqsatynda Qazaqstan men О́zbekstan arasyndaǵy barlyq sharttyq baǵyttar boıynsha áýe tasymaldaýshylardy birneshe ret taǵaıyndaý týraly ýaǵdalastyqqa qol jetkizildi.
Sonymen qatar, qazaqstandyq áýe tasymaldaýshylar Samarqand, Ferǵana, Buhara jáne Qarshı qalalaryna tikeleı turaqty reıster ashýdy josparlap otyr jáne taraptar ushý qaýipsizdigi jáne avıasııalyq qaýipsizdik salasyndaǵy yntymaqtastyq máselelerin talqylady.
Aldaǵy ýaqytta óńirlik avıasııalyq qaýipsizdik pen ushý qaýipsizdigin arttyrý úshin yntymaqtastyq pen tájirıbe almasýdy jalǵastyrýǵa kelisti.
