Sanaýly sətter buryn ótken resmı jabylý rásiminde elimizdiń baıraǵyn delegasııa basynda short-trekshi Madııar Madıhov ustap shyqty. Al halyqaralyq oıyndardyń týyn túsirý rəsimine chempıon retinde Qazaqstan atynan Meıirjan Tólegen qatysty.
On kúnge sozylǵan keshendi jarysta Qazaqstan 3 altyn, 5 kúmis jáne 6 qola medalge qol jetkizip, jalpy esepte 6-oryn aldy. Jalpy Kýzbastaǵy oıyndarǵa 5 sport túrinen 58 otandasymyz attanǵan.
Ilıa Mızernyh (shańǵymen tuǵyrdan sekirý, K-40), Meıirjan Tólegen (short-trek), Varvara Glýhova (konkımen júgirý) chempıon atandy.
Meıirjan Tólegen (short-trek, 1500m), Ilıa Shılnıkov (shańǵymen tuǵyrdan sekirý, K-40), estafetada erler quramasy (short-trek), aralas komandalyq synda Ilıa Mızernyh pen Sofıa Shıshkına (shańǵymen tuǵyrdan sekirý), sprıntte erler quramasy (konkımen júgirý) kúmis júldeger atandy.
Al Malıka Joltabar (short-trek, 1500m), Sofıa Shıshkına (shańǵymen tuǵyrdan sekirý, K-40), estafetada qyzdar quramasy (short-trek), aralas komandalyq synda Ilıa Shılnıkov pen Alıona Sverıdenko (shańǵymen tuǵyrdan sekirý), Madııar Madıhov (short-trek, 100m), shańǵy jarysyndaǵy dostyq estafetasynda Arına Andrıýshenko («Sport» quramasynda) qola júldege ıe boldy.
Jalpy esepte Sibir federaldy okrýgi 1-oryn alsa, odan keıin Máskeý oblysy, Oral men Qıyr shyǵys federaldy okrýginiń quramasy jaıǵasty. Oıyndar kezinde 57 medal jıyntyǵy sarapqa salyndy. Qatysýshy elder: Qazaqstan, Armenııa, Aýǵanstan, Belarýs, Kýveıt, Qyrǵyzstan, Lıvan, Nepal, Tájikstan, Taıland, Túrikmenstan, О́zbekstan memleketi;
Máskeý oblysy, Kýzbass aımaǵynyń quramasy;
Qıyr shyǵys federaldy okrýgi, Sibir federaldy okrýgi, Oral federaldy okrýginiń quramasy;
Bashqurtstan, Saha, Tatarstan Respýblıkasy;
Esińizge sala keteıik, Qazaqstan 2019 jyly ótken alǵashqy «Azııa balalary» oıyndaryna 8 sporttan 74 sportshy aparǵan. Jalpy esepte 7 altyn, 7 kúmis jáne 6 qola medalmen 11 quramanyń ishinde 6-orynnan kóringen.
