Bul, ásirese, shoý-bıznes ókilderi arasynda jıi kezdesedi. Biraq kópshilik aldynda júrmese de, qarttyǵyn qabyldaǵysy kelmeıtin adamdar bar. Jas kóriný úshin bárin isteıdi. Qazirgi kezde keń taraǵan bet-álpetine plastıkalyq ota jasatý da osy sındromnyń belgisi deıdi.
Bul psıhologııalyq kúı Oskar Ýaıldtyń ataqty shyǵarmasyndaǵy basty keıipker Dorıan Greıdiń atymen atalǵan. Dorıan óziniń jastyǵyn saqtaǵysy keledi. Dorıannyń symbatyna qaıran qalǵan sýretshi oǵan portretin salyp beredi. Sodan keıin Dorıan emes, sol sýret qartaıa bastaıdy. Onyń boıyndaǵy barlyq ózgeris portretke áser etedi. Dorıan alǵashqyda óziniń táni men jany qartamaıtynyna qýanǵanymen, kóz aldyndaǵy sýret oǵan bárin anyq kórsetip turady. Alaıda Dorıan ony jan balasynan jasyryp ustaıdy, tipti, portretti basqa bólmege aparyp, betin jaýyp, bólmeniń esigin qulyptap, tyǵyp tastaıdy.
Osy sındromǵa ushyraǵan adamdar jas bolý úshin, jyltyrap kózge túsetin, óz jasyna saı kelmeıtin kıimder kıip, bet álpetindegi ájimderdi túzep álek bolady eken.
Ádemi qartaıý da óner shyǵar...
