«Aıaýly analar!
Qymbatty arýlar!
Barshańyzdy 8 naýryz – Halyqaralyq áıelder kúnimen shyn júrekten quttyqtaımyn!
Qazirgi kezeńde áıelder qaýymy qoǵamdyq ómirdiń eń belsendi bóligine aınalyp otyr.
Qazaqstanda 4,3 mln áıel jumyspen qamtylǵan. Bul – eńbek maıdanynda júrgen jalpy halyqtyń 48%-y.
Memleket bıznespen aınalysýǵa nıetti áıelderdi bútindeı qoldap keledi. EYDU derekterine saı, Qazaqstanda kásipker áıelderdiń úlesi 45%-dy qurap otyr. Bul – AQSh jáne Túrkııa elderimen salystyrǵanda joǵary kórsetkish.
Bizdiń elimizde áıelder er-azamattarmen qatar ıyq tirestire júrip, memlekettik basqarý isine belsendi qatysyp otyr. Eger 2010 jyly memlekettik qyzmettegi áıelderdiń úlesi 52,7% bolsa, ótken jyly 55,4%-ǵa jetti.
Qazaqstan genderlik teńdik ornaǵan qoǵam qalyptastyrýda aıtarlyqtaı jetistikterge jetti.
Memleket aldaǵy ýaqytta da qazaqstandyq áıelderdiń ál-aýqatyn jaqsartý úshin bar kúshin salady.
Kórikti kóktemniń osynaý shýaqty kúninde ekonomıkanyń san túrli salasynda eńbek etip, eldigimizdi nyǵaıtýǵa, kemel urpaq tárbıelep, otbasylyq qundylyqtarymyzdy baıandy etýge ólsheýsiz úles qosyp kele jatqan Sizderge shynaıy qurmetimdi bildirýge ruqsat etińizder. Barshańyzǵa zor densaýlyq, shańyraqtaryńyzǵa shattyq tileımin. Merekelerińiz qutty bolsyn!», delingen quttyqtaýda.
