Qarashyǵanaqty keńeıtý jobasynyń 2021-2024 jyldarǵa josparlanǵan alǵashqy kezeńinde 5-shi gazdy qaıta aıdaý kompressory men basqa da óndiris nysandarynyń qurylysy júrip jatyr. Jobanyń bul kezeńinde 970 mıllıon dollar ınvestısııa quıylyp, 3500-ge jýyq adam jumysqa tartylady.
Jobanyń 2023-2026 jyldarǵa josparlanǵan kelesi kezeńinde 6-shy gazdy keri aıdaý kompressorynyń qurylysy júrgiziledi. Bul kezeńde 735 mıllıon dollar qarjy jumsalyp, 1300 jańa jumys orny ashylady.
Qarashyǵanaqty keńeıtý jobasy suıyq kómirsýtegin óndirý deńgeıin 46 mıllıon tonnaǵa deıin ulǵaıtyp, Qazaqstan Respýblıkasy men Qarashyǵanaq jobasynyń seriktesterine qosymsha tabys tabýǵa múmkindik beredi.
Qarashyǵanaq álemdegi eń iri munaı-gaz ken oryndarynyń biri sanalady
1997 jyldan beri ınvestorlar Qarashyǵanaq ken ornyn ıgerýge 30 mıllıard dollarǵa jýyq qarjy quıǵan.
Joba júzege asyryla bastalǵaly beri QPO el ekonomıkasyna 57,4 mıllıard dollar kóleminde tabys ákeldi. Onyń ishinde 45,9 mıllıard dollar bıýdjetke salyqtar, tólemder jáne ónimdegi úles esebinen tústi.
«Qarashyǵanaq Petrolıým Opereıtıng B.V» 3,8 myń adamdy turaqty jumyspen qamtyp otyr. Al konsorsıýmǵa túrli qyzmet kórsetip, ónim jetkizetin 142 merdiger mekemede 20 myńǵa jýyq adam eńbek etedi.
Kompanııa 1998 jyldan beri óńirdegi áleýmettik-ınfraqurylymdyq jobalarǵa 754,5 mıllıon dollar bólgen. Bul qarjyǵa Batys Qazaqstan oblysy boıynsha 16 aýrýhana men emhana, 3 dene shynyqtyrý-sport kesheni, 34 mektep pen balabaqsha, teatrlar jáne mádenı ortalyqtar jáne basqa da ınfraqurylymdar salynǵan.
