Muhıttyń arǵy betindegi dodanyń alǵashqy aınalymynda jerlesimiz týrnırdiń irikteý saıysynda jeńimpaz atanǵan, dúnıejúzilik reıtıngte 175-orynda turǵan taıpeılik Vý Týn Lınmen sheberlik baıqasty. Eki tennısshi de kezdesýdi jaqsy bastady. Aleksandr dopty oıynǵa qosqan jetinshi geımde Vý Týn breık jasap, 4:3 esebimen alǵa shyqty. Keıingi eki geımde de sátti oınaǵan taıpeılik tennısshi bul setti óz paıdasyna jazdy – 6:4. Ekinshi kezeńde de dál sondaı jaǵdaı qaıtalandy. Býblık úshinshi geımde qarsylasyna breık jasaýǵa múmkindik berip qoıdy – 2:1. Vý Týn Lın match sońyna deıin basymdyǵyn saqtap, bul joly da 6:4 esebimen jeńiske jetti.
Qyzdar arasynda baq synaıtyn Iýlııa Pýtınseva búgin alǵashqy aınalymda dúnıejúzilik reıtıngte 76-orynda turǵan chehııalyq Karolına Mýhovamen sheberlik baıqasady. Al jarysty ekinshi aınalymnan bastaıtyn álemniń 10-raketkasy Elena Rybakına alǵashqy kezdesýin Sloan Stıvens pen Sofıa Kenın jubynyń jeńimpazymen ótkizedi. Juptyq synda el namysyn jýyrda ǵana elordada ótken týrnırdiń jeńimpazy Anna Danılına qorǵaıdy.
