Astana Ulttyq tennıs ortalyǵynyń tárbıelenýshisi aldymen jeke razrıadqa, sodan keıin juptyq razrıadqa qatysty. Tennısshi birinshi oıynda Úndistannan kelgen qarsylasyn 6:2 esebimen utty. Qarsylasy ekinshi partııadan bas tartty.
Ekinshi aınalymda Arıana Albına Kakenovamen juptasyp oınady. Qarsylastary Satıma Tóregen men Anastasııa Krymkova boldy. Arıana men Albına basym túsip, 6:1, 6:2 esebimen jeńiske jetti. Arıana oıynda ózin jaqsy kórsetip, kózge tústi.
Sportshynyń jattyqtyrýshysy Mýkam Ermatov onyń tolyq formada emes ekenin atap ótti.
«Qazirdiń ózinde Arıana - eresekter arasyndaǵy tennısten Qazaqstan chempıony. Onyń halyqaralyq mansaby áli alda», dedi ol.