Sport • 12 Naýryz, 2023

Úsh oıyn iri eseppen aıaqtaldy

233 ret
kórsetildi
1 mın
oqý úshin

Fýtboldan Qazaqstan Premer-lıga­synyń ekinshi týry aıasynda ótken jeti oıynnyń úsheýinde iri esep tirkeldi.

Úsh oıyn iri eseppen aıaqtaldy

«Aqtóbe» óz alańynda «Oqjetpesti» qabyldady. Esep – 5:1. Bul goldardyń avtorlary – Álibek Qasym (26 mınýt, penaltıden), Maksım Samorodov (41), Samorodov (45+3, penaltıden), Idrıs Ýmaev (75) jáne Eskendir Qybyrbaı (88). «Shahter»  Astanada «Ordabasydan» 1:4 esebimen oısyraı utyldy. Alǵashqy úsh goldy Gafýrjan Súıimbaev (3), Ashat Taǵybergen (59) jáne Mamadý Mbodj (67) soqty. 71-mınýtta Aıdos Táttibaev esep aıyrmashylyǵyn qysqartqanymen, básekeniń aıaqtalýyna shamamen 10 mınýttaı ýaqyt qalǵanda Shohboz Omarov matchtyń sońǵy núktesin qoıdy. «Qaırat» syrt alańda «Aqsýdan» 3:1 esebimen aılasyn asyrdy. Almatylyqtar sapynan Artýr Shýshenachev (39), Joao Paýlo (75) jáne Erkebulan Seıdahmet (88) mergendik tanytsa, aqsýlyqtar arasynan Mıras Turlybek (82) nysanany dál kózdedi.

Al qalǵan kezdesýler mynadaı nátıje­lermen aıaqtaldy: «Kaspıı» – «Tobyl» 0:1, «Atyraý» – «Qaısar» 2:1, «Qyzyljar» – «Maqtaaral» 1:0 jáne «Jetisý» – «Astana» 0:2.