Kásipkerdiń aıtýynsha, kompost – quramynda ósimdiktiń damýy men ósýine qajetti barlyq mıneral kezdesetin qunarly ári qoljetimdi organıkalyq tyńaıtqyshtardyń biri. Ol topyraqtaǵy ylǵaldy saqtap, ósimdikterdi sýarýǵa jumsalatyn sýdy 40 paıyzǵa deıin azaıtady, ósimdikterdiń ımmýndyq júıesin nyǵaıtyp, ártúrli vırýstyq aýrýlar men aǵash zııankesterinen qorǵaıdy.
Jeke kásipkerdiń negizgi maqsaty – óńirdi jasyl aımaqqa aınaldyrýǵa úles qosý, jergilikti baý-baqshada ósken tabıǵı ónimderdi paıdalaný. Kásipker aldaǵy ýaqytta tabıǵı tyńaıtqysh – kompost ónimin kóbeıtip, Basqudyq aýyldyq okrýginde ornalasqan egistik bazaryndaǵy kásipkerlermen kelisim shartqa otyryp, naryqqa shyǵarýdy josparlaýda.
Mańǵystaý jeri tili men babyn tapqan janǵa kól-kósir ónim bere alatyndyǵy dáleldenip keledi. G.Qurmanııazovanyń mıneraldy tyńaıtqysh óndirýi osy baǵyttaǵy jumystarǵa úlken qoldaý. «Alystan arbalaǵansha jaqynnan dorbala» degendeı, tyńaıtqysh ta ózimizden daıyndalatyn bolsa Mańǵystaýda egin egý isi damı túseri daýsyz.
Mańǵystaý oblysy
