Esirtki • 15 Naýryz, 2023

Túrkistan oblysynda aýyl turǵyndarynan esirtki tabyldy

190 ret

kórsetildi

1 mın

oqý úshin

Ordabasy aýdandyq polısııa bóliminiń qyzmetkerleri esirtki qylmysynyń aldyn alý, boldyrmaý baǵytynda kúndelikti reıdtik-profılaktıkalyq sharalardy júzege asyrady. Osyndaı kezekti tekserý kezinde tártip saqshylary óz úıinde esirtki saqtaǵan eki birdeı turǵyndy anyqtady, dep habarlaıdy Egemen.kz Polisia.kz saıtyna silteme jasap.

Aıtolǵan JÚNISHAN

Túrkistan oblysynda aýyl turǵyndarynan esirtki tabyldy

Naqtyraq aıtsaq, Ordabasy aýdandyq polısııa bóliminiń krımınalısteri qyzmettik ıttiń kómegimen aqparat boıynsha kúdikti dep tanylǵan turǵynnyń úıine tintý júrgizdi. Nátıjesinde er adamnyń úıinen 11 orynǵa jasyrylǵan 11 esirtki oramasy tabyldy.

Zertteýge usynylǵan zat jalpy salmaǵy 130 gramǵa jýyq keptirilgen marıhýana bolyp shyqty. Al ekinshi turǵynnyń úıine júrgizilgen tintý sharalary kezinde er adamnyń úıindegi dıvanynyń astynan zańmen tyıym salynǵan ishinde esirtkige uqsas zaty bar bir qaǵaz oramasy tabyldy. Ol da salmaǵy 19 gramǵa jýyq keptirilgen marıhýana bolyp shyqty.

Atalǵan jaıttar QR QK-niń 296-baby 3-bóligimen (Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý) tirkeýge alyndy. Qazir sotqa deıingi tergeý amaldary júrgizilip jatyr.