Bıylǵy forým «Týrbýlenttilik jaǵdaıdaǵy navıgasııa: energetıka, klımat jáne qaýipsizdik» taqyrybyna arnaldy. S&P Global aqparattyq-taldaý kompanııasy uıymdastyrǵan halyqaralyq jıynǵa álemniń túkpir-túkpirinen 4 myńǵa jýyq delegat ‒ energetıkalyq kompanııalardyń basshylary men ókilderi, saıasatkerler, qarjy, ekologııa salasynyń sarapshylary jınaldy. Energetıka mınıstri Bolat Aqsholaqov bastaǵan qazaqstandyq delegasııanyń quramynda «QazMunaıGaz» UK» AQ, «QazaqGaz» UK» AQ, «KAZENERGY» jáne Qazaqstannyń AQSh-taǵy elshiliginiń ókilderi boldy.
«QazMunaıGaz» kompanııasynyń basshysy Maǵzum Myrzaǵalıev óz sózinde álemdegi geosaıası shıelenis kezinde týyndaǵan ózgerister aıasynda kompanııanyń júrgizip jatqan saıasaty týraly áńgimeledi. Ol Prezıdent Qasym-Jomart Toqaevtyń tapsyrmasyna sáıkes Qazaqstan Úkimeti kómirtegi beıtaraptyǵyna qol jetkizýdiń 2060 jylǵa deıingi strategııasyn ázirlegenin jetkizdi. Atalǵan qujat energetıkalyq balansty ártaraptandyrýǵa baǵyttalǵan. Bul rette «QazMunaıGaz» tyń bastamalardy qolǵa alyp, jańa salalardy – munaı-gaz hımııasy men «jasyl» jobalardy iske asyra bastady. Atap ótkendeı, byltyr Atyraý oblysynda polıpropılen óndiretin munaı-gaz hımııa kesheni iske qosyldy. Sondaı-aq qazir Mańǵystaý jáne Jambyl oblystaryndaǵy balamaly energııa kózderi negizinde jumys isteıtin iri elektr stansalarynyń jobalary pysyqtalyp jatyr.
Qazirde QMG Reseıge salynǵan sanksııa saldarynan týyndaǵan kedergilerdi eńserýde birshama tájirıbe jınady.
«Byltyr biz Urals jáne Brent surypty munaı markalary arasyndaǵy spred (dıskont) barreline 30-40 dollarǵa jetken jaǵdaıǵa tap boldyq. Buryn spred barreline shamamen 1,53-1,23 dollar bolatyn. Jalpy munaıdyń baǵasy joǵary bolǵanymen, qazaqstandyq jer qoınaýyn paıdalanýshylardyń munaıdy satýdan alatyn naqty tabysy áldeqaıda tómen», dedi sessııa qatysýshylaryna M.Myrzaǵalıev.
QMG basshysy byltyr maýsym aıynda qazaqstandyq KEBCO (Kazakhstan Export Blend Crude Oil) jańa munaı markasyn naryqqa shyǵarý elimizdegi munaı-gaz kompanııalary úshin táýekeldi azaıtýǵa múmkindik bergenin atap ótti. Qazirgi kezde KEBCO munaıynyń belgilengen baǵasy turaqty. KEBCO jáne Brent munaı suryptary arasyndaǵy naryqtaǵy jeńildik barreline 3 dollarǵa jýyq somany quraıdy.
CERAWeek energetıkalyq konferensııasy aıasynda «QazaqGaz» UK» AQ basqarma tóraǵasy Sanjar Jarkeshov Qazaqstannyń jańa energııa kózderine kóshýi jáne energetıkalyq qaýipsizdikti qamtamasyz etýdegi gaz salasynyń róli týraly aıtty.
«Energetıkalyq qaýipsizdik, jańa energııa kózderine kóshý jáne energııany tutynýshylarǵa baǵa turǵysynan qoljetimdi etý – kez kelgen eldiń energetıkalyq baǵdarlamasynda eskerilýi tıis negizgi faktorlar», dedi ulttyq kompanııa basshysy.
Qazirde QazaqGaz jylytý maýsymdaryn jaıly ótkizýdiń qamyn jasap, ózgeristerge beıimdelip jatyr. О́ıtkeni álemdegi jáne Eýropadaǵy energetıkalyq daǵdarys ‒ bizdiń elimiz úshin de úlken sabaq. Onyń aıtýynsha, Qazaqstan úkimetiniń qoldaýymen gaz salasynda tyń reformalar júzege asyrylyp, kúsh-jiger ınvestısııalyq áleýetti arttyrýǵa baǵyttalyp jatyr. Onyń ishinde jer qoınaýyn paıdalanýshylardan gaz satyp alýdyń jańa formýlasy, tutynýshylardyń jańa sanattary, kómirsýtekterdi óndirý boıynsha jetildirilgen úlgilik kelisimshart ta bar.
Sonymen qatar 2025 jylǵa josparlanǵan IPO aıasynda jaqyn arada roýdshoý uıymdastyrylmaq. IPO-ǵa daıyndalyp jatqan ulttyq kompanııa ESG-ǵa asa kóńil bólip otyr.
Forýmda Chevron Corporation basqarma tóraǵasy jáne bas atqarýshy dırektory Maık Vırt Qazaqstanda munaı óndirý kólemin arttyrý jospary jaıynda málimdedi. Ol Chevron Qazaqstandaǵy iri ınvestorlardyń biri ekenin aıta kele, eski keńestik munaı kenishinde táýligine 50 barrel munaı óndirilse, qazir bul kórsetkish 700 barrelge deıin óskenin atap ótti. «Bizde bul kórsetkishti kúnine shamamen 1 mln barrelge deıin jetkizetin joba bar», dedi M.Vırt.
Qazir Qazaqstanda kómirsýtekterdi óndirýdi kóbeıtý boıynsha eki komponentti iri joba qurylys kezeńinen iske qosý kezeńine kóshti. Bul prosess aıasynda barlyq nysandy iske qosý jumystary bıyl jáne keler jyly atqarylady. Korporasııa basshysynyń aıtýynsha, búginde osy jobalar óte qajet, óıtkeni energııa resýrstarynyń basym bóligi Eýropaǵa jiberiledi.
