Sheshim boıynsha, Qazaqstan Respýblıkasy Qarjy mınıstrliginiń Memlekettik múlik jáne jekeshelendirý departamenti 1998 jylǵy 18 aqpandaǵy kelisim boıynsha «Almaty aýyr mashına jasaý zaýyty» AQ-nyń jarǵylyq kapıtalynyń 31,9% kólemindegi aksııalaryn tender jeńimpazy «Temir Kon» JShS-ǵa 105 300 000 teńgege satqan.
Satý kelesi sharttar boıynsha júzege asyryldy (№1 kelisim):
- Aksııalardyń memlekettik paketin ótkizý tártibi men sharttaryn belgiledi;
- «Temir Kon» JShS satyp alýshysynyń «Almaty aýyr mashına jasaý zaýyty» AQ qyzmetiniń beıinin saqtaý, 1997 jylǵy kólemdermen salystyrǵanda óndiris kólemin saqtaýdy jáne ulǵaıtýdy qamtamasyz etý, qyzmetti júzege asyrý kezinde tehnologııalyq jáne ekologııalyq qaýipsizdik standarttaryn engizý mindetteri;
- Komıtettiń satýshy retinde «Temir Kon» JShS satyp alýshysynyń shart boıynsha ózine alǵan mindettemelerin qajetti tekserýlermen jáne qujattamany talap etýmen oryndaýyna baqylaýdy júzege asyrý quqyǵy bekitilgen.
2007 jyldyń 2 sáýirinde «Temir Kon» JShS Bolat Nazarbaevqa «Almaty aýyr mashına jasaý zaýyty» AQ jarǵylyq kapıtalynyń 86,7812% kólemindegi aksııalaryn satty, onyń 31,9% buryn memlekettik paket bolatyn.
2009 jylǵy 1 sáýirde komıtet, «Temir Kon» JShS jáne Bolat Nazarbaev arasynda №1 sharty boıynsha mindettemedegi tulǵalardy ózgertý týraly kelisim jasaldy, onyń talaptary boıynsha atalǵan mindettemeler oryndalmaǵan jaǵdaıda Bolat Nazarbaev aksııalarynyń memlekettik paketin komıtetke berýge mindetti.
2009 jylǵy 2 sáýirde «Almaty aýyr mashına jasaý zaýyty» AQ-nyń 398 246 dana kólemindegi jaı aksııalaryn, onyń ishinde memlekettik aksııalardyń 31,9%-yn Bolat Nazarbaev №2 kelisim boıynsha «PLS-TM» JShS-ne satty. Bul kelisimde №1 sharttyń erekshe talaptary joq, onyń ishinde «Almaty aýyr mashına jasaý zaýyty» AQ qyzmet beıinin saqtaý, óndiris kólemin ulǵaıtý, komıtettiń qabyldanǵan mindettemelerdiń oryndalýyn baqylaý quqyǵy.
«Fırma Baıaý» JShS-niń 2009 jylǵy «Almaty aýyr mashına jasaý zaýyty» AQ qyzmetiniń beıinin saqtaý jáne óndiris kólemin ulǵaıtý boıynsha mindettemelerin oryndamaý týraly qorytyndysyna sáıkes, materıaldyq-tehnıkalyq bazanyń qanaǵattanarlyqsyz jaǵdaıda ekendigi, óndiris kóleminiń tómendeýi, múliktik keshen men jer ýchaskesin bólshekteý, úshinshi tulǵalarǵa satý jáne «Almaty aýyr mashına jasaý zaýyty» AQ, ondaǵy ǵımarattar men qurylystardy jalǵa berý kórsetilgen», delingen sot qaýlysynda.
Sot sheshimimen, Bolat Nazarbaevtyń memlekettik aksııalardy satýy zań talaptaryna sáıkes kelmeıtini jáne ol №1 shart talaptaryn oryndamaǵandyqtan jaramsyz dep tanyldy.
Osylaısha, Qazaqstan Respýblıkasy Joǵarǵy Sotynyń Sot alqasy Almaty qalasy Áýezov aýdandyq sotynyń 2012 jylǵy 11 qyrkúıektegi №2 qaýlysynyń jáne apellıasııalyq sot alqasynyń qaýlysynyń kúshin joıý týraly, «Qazaqstan Respýblıkasy Qarjy mınıstrliginiń Memlekettik múlik jáne jekeshelendirý komıteti» RMM-niń talap aryzyn qanaǵattandyrý týraly jańa sheshim qabyldady.
«Bolat Nazarbaev pen «PLS-TM» JShS arasynda 2009 jylǵy 2 sáýirdegi «Almaty aýyr mashına jasaý zaýyty» AQ-nyń jarǵylyq kapıtalynyń 31,9 paıyzyn quraıtyn jaı ataýly aksııalaryn satý týraly jasalǵan baǵaly qaǵazdardy satyp alý-satý sharty jaramsyz dep tanylsyn. Bolat Nazarbaevqa «Almaty aýyr mashına jasaý zaýyty» AQ-nyń jarǵylyq kapıtalynyń 31,9 % mólsherindegi jaı ataýly aksııalaryn Qazaqstan Respýblıkasy Qarjy mınıstrliginiń Memlekettik múlik jáne jekeshelendirý komıtetine berý arqyly memleket menshigine qaıtarý mindettelsin», dedi sot.
