Qalamshash apa - 10 balanyń anasy. Bıyl jetpis jetige keletin keıýana saılaý ýchaskesindegi halyqtyń ashyq-jarqyn júzin, kóńildiń hoshyn ashatyn aýandy kórip, qýanyp turǵanyn jetkizdi.
«Kelip jatqan aýyldastarym kóp, ásirese, jastardyń belsendiligin baıqadym. Barlyǵy elimizdiń bolashaǵy, halqymyzdyń jarqyn ómiri úshin tańdaý jasap jatqany sózsiz. Ýchaskede qarsy alǵan komıssııa músheleri tań atpaı kóńilimizdi kóterip, syılyq daıyndap qoıypty. Qazirgi kúni zeınetke shyqsam da, eldiń saıası ómiri, balalarymnyń keleshegi meni alańdatady. Bul saılaýda sózi – durys, isi - túzik, bilimdi azamattar jeńiske jetse eken dep tileımiz. Jańa Qazaqstandy qurýǵa atsalysyp jatqanymdy maqtan tutamyn», dep atap ótti batyr ana.
Qadyr aqsaqal men Qalamshash ájeıdiń ul-qyzdarynan búginde nemerelerin qospaǵanda, 12 shóbere tarap otyr. Otaǵasy kezinde sovhozdyń jumysynda ter tógip, traktorıst, shopan qyzmetterin atqarypty. Búgingi beıbit ómirge shúkirlik etetin qarııalar bıyl jazda otasqandaryna 60 jyl – gaýhar toılaryn atap ótpek.
