Oralbaevtar otbasynyń músheleri - Dinmuhamed pen Olga erekshe muqtaj jandar. Olar estimeıdi. Olga Oralbaeva úlken qyzymen shashtaraz mamandyǵyn úırenip, qazir sulýlyq salonynda jumys isteıdi. Eki kishi qyzy áli oqý oryndarynda bilim alady. Tańerteń olar da basqa saılaýshylar sııaqty sýrdoaýdarmashymen saılaý ýchaskesine kelip daýys berip, azamattyq ustanymdaryn bildirdi.
«Saılaý – bul óz daýysyńyzdy berý jáne Qazaqstannyń qoǵamdyq ómirine qatysý múmkindigi. Biz úshin elimizdiń bolashaǵy mańyzdy, sondyqtan biz osynda keldik», dedi Olga Oralbaeva.
Jumyspen qamtýdy úılestirý jáne áleýmettik baǵdarlamalar basqarmasynyń málimetinshe, Mańǵystaý oblysynda 418 002 saılaýshy tirkelgen, onyń 20 579-y ártúrli toptaǵy múgedekter. Olardyń 7970-i erekshe qajettilikteri bar: 992-si kórý, 580-i estý, 5542-si tirek-qımyl apparaty buzylǵan, 856-sy múgedekter arbasyn paıdalanady. 127 saılaý ýchaskesi erekshe qajettilikteri bar adamdardyń kirýi úshin tolyq jabdyqtalǵan, 49 nysan jartylaı qoljetimdi.
