– Osy qalanyń turǵynymyn, aınalaıyn. Qulshylyq etý, dinı merekeler, dinı dástúrlerge qatysty senim degen sózdi kóbirek aıtamyz. Myna nemereme adamǵa da, mysaly búgingideı saılaýda senim artylatynyn aıtyp kele jatyrmyn, – dedi qarııa qasyndaǵy bozbalaǵa qarap. – Senim bolmaı, el bolý qıyn. El senimin aqtamaý da kúná deımin. Búgingi saılaýdan kúterim kóp. Sondyqtan da kesenede jerlengen uly tulǵalarǵa Quran aıattaryn baǵyshtap, barshaǵa jaqsylyq tiledim. El senimine syzat túspeýin tiledim. Endi baryp daýys beremin.
Túrkistan oblystyq aýmaqtyq saılaý komıssııasynyń tóraǵasy Áýelhan Turǵymbekovtiń málimdeýinshe, óńirde 1 mln 168 myń 658 saılaýshy bar. Onyń ishinde 19 naýryz kúni 18-ge tolatyndary – 91, al 78 saılaýshy 100 jastan asqan. Daýys berý kezinde oblystaǵy 941 saılaý ýchaskesinde 8 myńnan astam baıqaýshy jumys istedi. «О́ńirde barlyq deńgeıdegi birmandattyq saılaý okrýgteri boıynsha usynylǵan 1 615 kandıdattyń 1 284-i tirkeýden ótip, saılaý aldyndaǵy úgit jumystaryn bastaǵan bolatyn. Sol tirkeýden ótken kandıdattardyń búgingi saılaýǵa 1 131-i qatysyp jatyr, – deıdi Áýelhan Eltaıuly. – Múmkindigi shekteýli azamattarǵa arnap saılaý ýchaskelerinde arnaıy buryshtar ázirlenip, kabınalar ornatyldy, taktıldi jolaqtar tóselgen. Arnaıy pandýstar men eki jaqty beldeýler ornatylǵan. Barlyq saılaý ýchaskeleri bir turaqty jáne 2 jyljymaly saılaý jáshikterimen qamtylǵan».
Oblystyń barlyq aýdanynda saılaýshylardyń belsendiligi joǵary. Mysaly, Qazyǵurt aýdanynda ájeler alqasy jáne ardagerler keńesiniń músheleri belsendilik tanytyp, saılaý ýchaskesine erte kelse, Túlkibas aýdanynyń jas shabandozdary komandasymen Shaqpaq baba aýylyndaǵy №792 saılaý ýchaskesinde daýys berdi. Búkil álemge tanymal «Shardara Armsport» sport klýbynyń chempıondary da alǵashqylardyń biri bolyp óz tańdaýyn jasady. Al Túrkistan oblysynyń ákimi Darhan Satybaldy Túrkistan qalasyndaǵy №133 saılaý ýchaskesinde daýys berdi. Bul ýchaskede 2 myńnan astam saılaýshy tirkelgen. Sondaı-aq Kentaý qalasynyń turǵyny, 18 balanyń anasy Túımegúl Ergeshqyzy T.Rysqulov atyndaǵy 24 mekteptegi №899 saılaý ýchaskesine otbasymen keldi. Jetisaı aýdany Jyly sý aýyldyq okrýginde turatyn, bir áýlettiń qazynasy, 75 nemere men 30-ǵa tarta shóbereniń, 8 shópshektiń ájesi Záýre Seıdimbekqyzy da kelin-qyzdarymen kelip óz tańdaýlaryn jasady.
Túrkistan oblysy
