Kári de, jas ta qalys qalmady

Aımaq  turǵyndary bul saılaýda da belsendi bolǵanyn aıta ketken jón. 102 jastaǵy keıýananyń saılaý ýchaskesine kelip daýys berýi – sonyń bir aıǵaǵy. Abaı aýdanynyń Qulaı­ǵyr aýylynda №442 saılaý ýchaskesinde 102 jastaǵy tyl eńbekkeri Sábılá Ormanbaeva daýys berdi. Ǵumyr boıy sa­ýynshy bop eńbek etken áje ár adam jasyna qaramastan daýys berýden qalmaýǵa tıis degen pikirde. «Sebebi el bolashaǵy úshin bul jaýapty qadam», deıdi áje.

Qudaı qosqan qosaǵynan jastaı jesir qalyp, toǵyz balasyn jalǵyz ózi tárbıelep, er jetkizgen qaıratty jan osy kúni 25 nemere men 6 shóbere súıip otyr.

– Jasyna qaramastan árkim daýys berýi kerek dep sanaımyn. Eldiń bolashaǵy bizge baılanysty. Elimizde beıbitshilik pen kelisim saltanat qurýyna tilektespin, – deıdi keıýana.

Nekelerin qıyp jatqan jas jubaılar da bul saıası oqı­ǵaǵa salǵyrt qaramaı se­nim art­qan úmitkerlerine tań­daý jasa­dy. Jas jubaılar Ser­ǵazy Ra­hym­jan men Maral Erbo­latova Qaraǵandynyń №62 saılaý ýchaskesinde daýys berdi.

– Búgin bizge qos mereke qa­tar kelgen kún boldy. Aza­mat­tyq boryshymyzdy óteý úshin saılaý ýchaskesine keldik. О́ıtkeni búgingi saıası oqıǵa eli­miz, bolashaǵymyz úshin ma­ńyzdy, – deıdi jas jubaılar.

Baıqaýshylar tarapynan da saılaýǵa shaǵym túsken joq. Olar da halyqtyń belsendiligin erekshe atap otyr.

– Saılaýshylar tarapynan esh shaǵym joq. Birinshi da­ýys bergenderdiń arasynda aǵa býyn ókilderi kóp, jastar da az emes, – dep atap ótti Qara­ǵandy qalasynyń №31 saılaý ýchaskesinde kezekshilik ete­tin Qazaqstan Halyq par­tııa­synyń baıqaýshysy Qaıyrly Qazyken.

Qaraǵandy oblysy