Belsendilik tanytty

Barlyq saılaý ýchaskeleri jergilikti ýaqytpen tańerteń 07.00-de ashyldy. Tek 14 jabyq saılaý ýchaskesinde daýys berý 06.00-de bastalsa, 33 saılaý ýchaskesinde daýys berý mer­ziminen buryn aıaqtaldy. Ne­gizinen eldegi saıası ózgeriske beı­jaı qaramaıtyn belsen­di azamattar túske deıin daýys berip úlgerdi. Solardyń biri – Qazaqstan Bilim berý isi­niń úzdigi, Y.Altynsarın atyn­daǵy tósbelginiń ıegeri Marta Esirkepqyzy Aqtóbedegi №11 saılaý ýchaskesinde óz tańdaýyn jasady. Bul kisiniń pedagogıkalyq ótili – 40 jyl. Ol Aqtóbe qalasyndaǵy №32 mektep-gımnazııasyn uzaq jyl basqaryp, osy oqý ornyn oblystaǵy eń úzdik mektep qataryna qosty. Kezinde qatarynan eki ret aýdandyq máslıhat depýtaty bolyp saılanǵan belsendi. Ol Májilis jáne máslıhatqa eldiń muń-muqtajyn ádil jetkizetin azamattar barýy kerek deıdi.

«Halyq ádil saılaýdy kútip otyr. О́kinishke qaraı, saılaýǵa túsip jatqan keı azamattardy tanymaımyz. Depýtat – óz salasyn jaqsy meńgergen, qoǵam­nyń tynysyn jaqsy uǵyna­tyn, halyq pen atqarýshy bıliktiń arasynda altyn kópir bola biletin azamat. Depýtat – halyqqa qazirgi naqty jaǵdaıdy jetkize biletin elge shyn janashyr bolýy kerek», deıdi Marta Esirkepqyzy.

Aqtóbe oblysynan Májiliske partııalyq tizim boıynsha 7 partııa, bir mandattyq okrýgten 11 úmitker tústi. Oblystyq máslıhat depýtattyǵyna bir mandattyq okrýgten 67 úmitker tússe, partııalyq tizimmen bes partııa saılaýshylar daýysy úshin baq synasty. Qalalyq máslıhatqa bir mandattyq okrýg boıynsha 128 kandıdat tirkeldi. О́ńirdegi saılaý barysyn baqylaýǵa 14 úkimettik emes uıym, 5 qoǵamdyq bir­les­tik tirkeldi. О́ńirlik saılaý komıssııasynyń málimetine qa­raǵanda, saılaý aldy úgit-na­sıhat jumysy kezinde zań buzý­shylyqqa barǵan bir úmitkerge ákimshilik aıyppul salynǵan. Depýtat bolýǵa um­tyl­ǵan 616 úmitkerdiń 3 083 se­nim bildirgen tulǵasy tirkeldi. Or­ta eseppen bir kandıdatqa 5 se­­­nim bildirgen ókilden kel­di. Más­­lıhat depýtattyǵyna saı­laý­ǵa túsken eń jas úmitker 2001 jyly dúnıege kelgen bolsa, eń jasy úlken úmitker 1949 jyly týǵan. Saılaý kúni ýchaskelerde zań buzýshylyq tirkelgen joq.

Aqtóbe oblysy