Shetel jumys kúshin tartýǵa ruqsattardyń arasynda kelesi sanattar bar: basshylar men olardyń orynbasarlary úshin 565 ruqsat (birinshi sanat), qurylymdyq bólimshelerdiń basshylary úshin 2 966 ruqsat (ekinshi sanat). Tartylǵan ShJK negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe olar 7 199 jáne 883 adam. Sondaı-aq maýsymdyq jumystarǵa 391 adam, al korporatıvtik aýystyrý aıasynda 1 399 adam tartyldy.
Qazirgi ýaqytta Qazaqstanda ShJK paıdalanatyn 1 640 jumys berýshi bar. Olarda 409 myńnan astam Qazaqstan azamaty jumys isteıdi, bul qyzmetkerlerdiń jalpy sanynyń 96 paıyzy.
Ekonomıkalyq qyzmet túrleri boıynsha eń kóp jumys isteıtinder qurylys salasynda – 5 494 adam (41 paıyz); taý – ken ónerkásibi jáne karerlerdi qazý – 1 455 adam (11 paıyz); kásibı, ǵylymı jáne tehnıkalyq qyzmet – 995 adam (8 paıyz ); óńdeý ónerkásibi – 889 adam (7 paıyz); aýyl, orman jáne balyq sharýashylyǵy – 641 adam (5 paıyz).
Eńbek mıgranttary keletin negizgi elder: Qytaı – 3 411 adam, Úndistan – 1 685 adam, Túrkııa – 1 523 adam, Ulybrıtanııa – 1 073 adam, О́zbekstan – 769 adam.
Ishki eńbek naryǵyn qorǵaý maqsatynda Eńbek jáne halyqty áleýmettik qorǵaý mınıstrligi jyl saıyn respýblıkaǵa shetel mamandaryn tartýǵa kvota bóledi. Bıyl ShJK tartýǵa arnalǵan kvota 22 226 birlik (0,24 paıyz) bolyp belgilendi.
