IKAO Keńesiniń músheleri, IKAO Hatshylyǵy, túrli memleketterdiń avıasııalyq bılik organdary, IATA, CANSO, ACI World, TIACA, iPADIS jáne iri halyqaralyq áýe tasymaldaýshylary 2023 jyly Monrealda (Kanada) ótken «Jahandyq baılanys máseleleri» áýe kóligi sımpozıýmyna jáne áýe kóligi marapattaryn tapsyrý rásimine qatysty.
Shara barysynda Qazaqstannyń avıasııalyq ákimshiligi «Air Transport News Corporate Award» syılyǵyn aldy, bul halyqaralyq avıasııalyq qaýymdastyǵy tarapynan Qazaqstandaǵy azamattyq avıasııany basqarýdyń jańa modeline kóshý boıynsha júrgizilgen jumystardy moıyndaý bolyp tabylady.
Marapat Qazaqstannyń Kanadadaǵy Elshisi Aqylbek Kamaldınovke tabystaldy. Qazaqstannyń avıasııalyq ákimshiligi - úsh jyl buryn halyqaralyq ozyq tájirıbelerge negizdelgen tıimdi avıasııalyq organ bolý maqsatymen qurylǵan jas retteýshi organ. О́tken jyldyń sáýir aıynan bastap bas dırektor Katalın Radý jáne IIDM Azamattyq avıasııa komıtetiniń tóraǵasy Talǵat Lastaev atynan jańa basshylyq Qazaqstannyń avıasııalyq ákimshiliginiń qadaǵalaý múmkindikterin nyǵaıta aldy, ony túrli halyqaralyq aýdıtter men baǵalaýlar moıyndady.
Qazaqstannyń avıasııalyq ákimshiligi men IIDM Azamattyq avıasııa komıteti Qazaqstannyń óńirlik jáne halyqaralyq deńgeılerde avıasııalyq qatysýyn odan ári damytýdy jáne keńeıtýdi jalǵastyrady.
2023 jylǵy jeńimpazdar arasynda IKAO prezıdenti Salvatore Skıachıtano, ERA bas dırektory Monserrat Barrıga, IATA basqarýshylar keńesiniń tóraǵasy Mehmet Nane, Gaıana azamattyq avıasııa basqarmasynyń bas dırektory Egbert Fıld, TIACA, Wizz Air, iGA Stambýl áýejaıy, SkyTeam marapattaldy.
ATN korporatıvtik marapaty salanyń halyqaralyq deńgeıde tanylýynyń eń joǵary deńgeıin bildiredi jáne Qazaqstannyń avıasııalyq bılik oryndaryn elimizdiń azamattyq avıasııa salasynyń ıgiligi úshin ózderiniń órshil maqsattaryna jetýge jáne óz áleýetin tolyq iske asyrýǵa yntalandyratyn bolady.
