- Eń áýeli yqylas pen nıetti durystaý kerek. О́ıtkeni yqylas júrektiń kirshiksiz adaldyǵy men nıettiń tazalyǵyn aıqyndaıdy. Alla Taǵala siz ben bizdiń shynaıy yqylasymyzǵa, nıetimizge qaraı saýap jazady. Dáret almaı, namaz qabyl bolmaıtyny sekildi, nıet durys bolmaı, qulshylyq qabyl bolmaýy múmkin. Jálálýddın Rýmı bir sózinde bylaı degen eken: «Seniń barlyq is-áreketińe yqylas qajet. Sonda ǵana Alla Taǵala jasaǵan saýapty isterińdi qabyl etedi. О́ıtkeni yqylas – qulshylyq qusynyń qanaty. Sen qanatsyz baqyt mekenine qalaı ushpaqsyń?, - dedi Bas múftı.
Bas múftıdiń aıtýynsha, saýaby mol Ramazan aıynda az amal jasasaq ta, shynaıy nıetpen oryndasaq sózsiz onyń nátıjesi men jemisin kóremiz.
«Osy rette myna hadısti erekshe aıtyp óter edim: «Shyn máninde Alla senderdiń túrleriń men syrt kórinisterińe qaramaıdy, alaıda júrekteriń men is-amaldaryńa qaraıdy». Sondyqtan ǵalymdarymyz aıtqandaı, az amaldy nıet kóbeıtedi, kóp amaldy nıet azaıtady. Saýaby mol Ramazan aıynda az amal jasasaq ta, shynaıy nıetpen oryndasaq sózsiz onyń nátıjesi men jemisin kóremiz. Alla Taǵala Ramazan aıyndaǵy orazamyzdy, Qadir túnindegi duǵa-tilekterimizdi qabyl etkeı! Elimiz aman, jurtymyz tynysh bolǵaı! Kelesi Ramazan aıyna aman-esen jetýimizdi Alla násip etsin! Ámın!», dedi Naýryzbaı qajy Taǵanuly.
