2023 jylǵy 22 naýryzda QS World University Rankings by Subjects 2023 pándik reıtınginiń nátıjeleri jarııalandy. Eýrazııa ulttyq ýnıversıteti óz pozısııalaryn senimdi túrde nyǵaıtýmen qatar reıtıngtegi ókildigin ótken jylǵy 11 pánnen bıyl 17-ge deıin keńeıtti. Elimizdiń jetekshi ýnıversıteti 14 pándik jáne 3 salalyq reıtıngte usynylǵan.
EUÝ reıtıngtiń top-100 tizimine engen qazaqstandyq joǵary oqý oryndary arasynda rekordtyq jetistikterin kórsetti. EUÝ-dyń 3 páni alǵashqy júzdikke kirdi: «Qazirgi zamanǵy tilder» 88-oryn, «Lıngvıstıka» 94-oryn jáne ýnıversıtet «Qonaqjaılylyq jáne demalysty basqarý» páni boıynsha ótken jylǵy 51-100 aralyǵynda pozısııasyn saqtap qaldy. Joǵary nátıjelerge bir basylymǵa dáıeksózder sany men jumys berýshiler arasyndaǵy bedeldiń kórsetkishteriniń joǵarylaýy arqasynda qol jetkizildi.
EUÝ «О́ner jáne Dızaın» (150 oryn), «Aǵylshyn tili men ádebıet» (top 101-150), «Fılosofııa» (top 151-200), «Quqyqtaný jáne quqyq» (top 151-200) jáne «Saıasat jáne halyqaralyq zertteýler» (top 151-200) pánderi boıynsha álemdik reıtıngtiń top-200 satysyna kirdi.
Reıtıngke barlyǵy 161 elden 1595 ýnıversıtet, onyń ishinde 8 qazaqstandyq joǵary oqý orny qatysty. EUÝ «Qonaqjaılylyq jáne demalysty basqarý», «О́ner jáne Dızaın», «Tarıh», «Lıngvıstıka», «Bıznes jáne Menedjment», «Quqyqtaný», «Saıasat jáne halyqaralyq zertteýler» pánderi boıynsha Qazaqstanda birinshi oryn alady.
L.N. Gýmılev atyndaǵy EUÝ kóptegen kórsetkishter boıynsha ondaǵan satylarǵa joǵary kóterilip, ótken jylǵy nátıjelerdi jaqsartty: «О́ner jáne gýmanıtarlyq ǵylymdar» páni boıynsha 257-den 150 orynǵa, «Áleýmettik ǵylymdar jáne Menedjment» 323-ten 256 satyǵa, «Ekonomıka jáne Ekonometrıka» top-400-den top-350-ge, «Bıznes jáne Menedjment» 550 tobynan 450 tobyna kóterildi.
Ýnıversıtet bıyl QS reıtınginde «Injenerııa jáne tehnologııalar» salasynda, «Qazirgi zamanǵy tilder», «Aǵylshin tili jáne ádebıet», «Fılosofııa», «Arheologııa» jáne «Kompıýterlik ǵylymdar men aqparattyq júıeler» pánderi boıynsha alǵash ret usynylyp otyr.
Pándik reıtıngti ótkizý barysynda ýnıversıtettiń akademııalyq sarapshylar men jumys berýshiler arasyndaǵy bedeli, ǵalymdardyń ǵylymı zertteýlerinen dáıeksóz alý, jarııalanymdardyń Hırsh ındeksi jáne halyqaralyq zertteý jelisiniń ındeksi baǵalanady.
Aıta ketý kerek, EUÝ 2017 jyldan beri QS pándik reıtınginde bar.
