Atap aıtqanda, iri halyqaralyq ınvestorlardy tartý, jańa energııa óndirýshi qýattardy (jylý, elektr energııasy) iske qosý, jańartylatyn energııa kózderin damytý jáne ınjenerlik ınfraqurylymdy jańǵyrtý jónindegi josparlar talqylandy.
Sonymen qatar keńeske qatysýshylar ishki naryqty janar-jaǵarmaı materıaldarymen qamtamasyz etý sharalaryn qarastyrdy. Energetıka mınıstri Bolat Aqsholaqov I toqsanda benzın, dızel otyny jáne suıytylǵan gaz óndirisi bekitilgen jospardan asyp túskenin atap ótti. Atap aıtqanda, dızel otynynyń qory 1 qańtardan 1 naýryzǵa deıin 241 myń tonnadan 326 myń tonnaǵa deıin ulǵaıtyldy.
Qazir janar-jaǵarmaı materıaldary birinshi kezekte egis jumystaryn júrgizý úshin aýyl sharýashylyǵy taýaryn óndirýshilerge, sodan keıin janarmaı quıý stansııalary men áleýmettik mańyzy bar kásiporyndarǵa jiberiledi.
Mınıstrdiń aıtýynsha, keıbir óńirde tutyný deńgeıiniń óte joǵary bolýyna baılanysty otyn jetispeı jatady. Osyǵan baılanysty Energetıka mınıstrligi qajet qordy tolyqtyrý boıynsha sharalar qabyldap jatyr.
Budan basqa orta merzimdi jáne uzaq merzimdi perspektıvada otyn óndirý men tutyný balansyn eskere otyryp, gaz salasyn damytýdyń ózekti máseleleri qozǵaldy.
