Birqatar memlekettik mekemelerdiń basshylary men aýdan ákimderi qazirgi jaǵdaı jáne sý tasqyny qaýpiniń aldyn alý boıynsha júrgizilip jatqan jumystar týraly baıandady. Máselelerdi talqylaý barysynda «Qazsýshar» RMK jáne «Qazgıdromet» RMK fılıaldary jasaǵan boljamdyq-taldamalyq jumystardyń mardymsyz ekendigi atap ótildi.
«TJD-men birlesip jaqyn arada sý tasqyny qaýpi bar ýchaskeler qaıta qaralady. Aýdan ákimderinen barlyq máseleni qatań baqylaýda ustaýdy suraımyn. Eger bir jerde qosymsha kómek qajet bolsa, bul týraly dereý habarlańyz», dep tapsyrdy oblys ákimi.
Budan basqa, sý tasqyny saldarynan búlingen avtojol ýchaskelerin tezirek qalpyna keltirýdi qamtamasyz etý tapsyryldy. Aldaǵy ýaqytta osyndaı jaǵdaılardyń aldyn alý maqsatynda sý basýǵa beıim jol ýchaskeleri anyqtaldy. Osy ýchaskelerde qosymsha sý qubyrlaryn ornatý, sondaı-aq kópirlerdi salý jáne jóndeý máselesi qarastyrylyp jatyr.
Jıyn barysynda oblys ákimi Eraly Toǵjanov oblystyń eldi mekenderindegi sý tasqynynyń aldyn alýǵa jáne joıýǵa qatysqandardyń barlyǵyna alǵysyn bildirdi. Olardyń ishinde «Babek-Qurylys», «Nurbolat», «Ulan Kompanııasy», «Alıans B-2», «INShAB» qurylys kompanııalary, «Dına» saýda jelisi, «Aıs», «Ramazan», «Jańa Áljan un tartý kombınaty» óndiristik kompanııalary, «Aqtóbe fýds» jáne t. b. kásiporyndar materıaldyq qoldaý kórsetken.
