Toǵyz oblysta aýa raıyna baılanysty eskertý jarııalandy

2023 jylǵy 26 naýryzdan 28 naýryzǵa deıingi kezeńde oń aýa temperatýrasynyń saqtalýyna jáne odan ári joǵarylaýyna baılanysty Qostanaı oblysynyń basym bóliginde qardyń qarqyndy erýi, erigen sýlardyń qalyptasýy, muz qubylystarynyń álsireýi jalǵasady, bul rette ózenderdegi sý deńgeıiniń asýy jáne tasqyn bolýy, sondaı-aq jergilikti mańyzy bar joldardy sý basýy múmkin.

Temperatýra men jaýyn-shashynnyń joǵarylaýyna baılanysty 2023 jylǵy 26 naýryzdan 28 naýryzǵa deıin Aqmola jáne Soltústik Qazaqstan oblystarynda qardyń qarqyndy erýi, erigen aǵyndy sýlardyń paıda bolýy, muz qubylystarynyń álsireýi jáne ózenderde sý deńgeıiniń kóterilýi kútiledi, bul rette sý tasqyny bolýy múmkin.

26 naýryzda Soltústik Qazaqstan oblysynyń ońtústiginde túnde jáne tańerteń tuman kútiledi. Ońtústik-batystan soǵatyn jel ekpini oblystyń soltústiginde, batysynda, ońtústiginde sekýndyna 15-20 metrge jetedi. Aýa temperatýrasy kúndiz 4-9 gradýs jyly bolady dep kútiledi. Petropavlda 26 naýryzda ońtústik-batystan jel soǵady, kúndiz ekpini sekýndyna 15-20 metrge jetedi. Aýa temperatýrasy kúndiz 5-7 gradýs jyly bolady dep kútiledi.

26 naýryzda túnde Mańǵystaý oblysynyń batysynda tuman túsedi.

Aqtaýda 26 naýryzǵa qaraǵan túni tuman kútiledi.

25 naýryz saǵat 21:00-den 26 naýryz 21:00-ge deıin О́skemen, Rıdder qalalarynda qolaısyz aýa raıyna baılanysty ekinshi dárejeli qolaısyz meteorologııalyq jaǵdaı (QMJ) týraly eskertý saqtalady.

25 naýryz saǵat 21:00-den 26 naýryz 21:00-ge deıin Semeı qalasynda qolaısyz aýa raıyna baılanysty ekinshi dárejeli QMJ týraly eskertý saqtalady.

Astanada 26 naýryzda túnde jáne tańerteń tuman kútiledi.

26 naýryzda Aqmola oblysynyń ońtústigi men shyǵysynda túnde jáne tańerteń tuman kútiledi. Ońtústik-batystan, batystan, oblystyń soltústiginen soǵatyn jeldiń ekpini sekýndyna 15-20 metrge jetedi.

26-28 naýryzda Qaraǵandy ​​oblysynyń soltústiginde, shyǵysynda tuman kútiledi. Qaraǵandyda 26 naýryzda túnde jáne tańerteń tuman kútiledi.

2023 jylǵy 24 naýryzdan 26 naýryzǵa deıingi kezeńde Aqtóbe (Qobdy, Mártók, Qarǵaly, Hromtaý, Áıtekebı, Oıyl, Alǵyn jáne Aqtóbe aýdandary) jáne Qaraǵandy ​​(Shet, Aqtoǵaı) oblystarynda qardyń qarqyndy erýi, erigen aǵyn sýdyń qalyptasýy, muz qubylystarynyń álsireýi jalǵasady dep kútiledi, bul rette ózenderdegi sý deńgeıiniń kúrt kóterilýi men tógilýler bolýy múmkin.