«Qazgıdromet» RMK mamandary kóktemgi egis aldynda topyraqtaǵy ylǵal qorynyń boljamyn shyǵardy, dep habarlaıdy Egemen.kz vedomstvonyń baspasóz qyzmetine silteme jasap.
Sınoptıkterdiń aıtýynsha, jalpy qalyptasqan jaǵdaı eldiń soltústigindegi astyq egetin óńirler úshin qolaıly bolady, alaıda Qazaqstannyń batysynda, ortalyq jáne shyǵys bólikterinde sáýir aıynda jaýyn-shashyn tapshylyǵy bolýy múmkin, bul aýyl sharýashylyǵy daqyldarynyń ósýi men damýyna teris áser etýi múmkin.
Aldyn ala boljam boıynsha, kóktemgi egis jumystarynyń aldynda Qazaqstan aýmaǵyndaǵy egistikterdiń ylǵalmen qamtamasyz etilýi kútilýde:
- ońtaıly deńgeıden qanaǵattanarlyq deńgeıge deıin - Abaı, Shyǵys Qazaqstan, Jambyl jáne Almaty oblystarynda;
- qanaǵattanarlyq - Batys Qazaqstan, Aqtóbe, Qaraǵandy, Aqmola, Qostanaı, Pavlodar jáne Soltústik Qazaqstan oblystarynda;
- ońtaıly - Jetisý jáne Túrkistan oblystarynda.
«Kóktemgi egis jumystary kezindegi ylǵal qory týraly málimetter egis alqaptarynyń qurylymyn anyqtaýda, daqyldardy sebýdiń ońtaıly normalaryn anyqtaýda, tuqymdardy otyrǵyzý tereńdigin tańdaýda jáne tyńaıtqyshtardy engizýde mańyzdy ról atqarady, bul sońynda jalpy ónimniń sapasy men shyǵymdylyǵyna áser etedi jáne óndirilgen ónimniń ózindik qunyna áser etedi», deıdi Qazgıdromet mamandary.
Kóktemgi egis jumystarynyń bastalýyna qaraı topyraqtaǵy ylǵal qorynyń naqty boljamy shamamen 25 sáýirde ázirlenetini qosa habarlandy.
Álıhan Smaıylov Eýropalyq komıssııanyń vıse-prezıdentimen kezdesti
Saıasat • Búgin, 14:00
Messı PSJ-da sońǵy oıynyn ótkizedi
Fýtbol • Búgin, 13:31
О́zbekstan men Qazaqstan arasynda áýe reısi ashylady
Qoǵam • Búgin, 12:35
Áleýmettik-mádenı damý komıtetiniń keńeıtilgen otyrysy ótti
Saıasat • Búgin, 11:33
Prezıdent Úndistan Premer-mınıstrine kóńil aıtý jedelhatyn joldady
Prezıdent • Búgin, 11:11
Suńǵat Jubatqan Gran-prı týrnırinde qola júlde aldy
Sport • Búgin, 10:47
Uqsas jańalyqtar
Onlaın 
