«Qala halqynyń ósýine jáne elordanyń qarqyndy damýyna baılanysty aýyz sý óndirýge arnalǵan jobalyq qýattardyń tapshylyǵy baıqalady. «Astana sý arnasy» sý qysymyn retteý boıynsha sharalar qabyldaýǵa májbúr:
04:30-dan 09:30-ǵa deıin sýdyń qysymy joǵary rejımde bolady;
09:30-dan 12:00-ge deıin - tómendetilgen qysymda;
12:00-den 14:00-ge deıin - joǵary qysymda;
14:00-den 18:00-ge deıin - tómendetilgen qysymda;
18:00-den 00:00-ge deıin - joǵary qysymda;
00:00-den 04:30-ǵa deıin – tómendetilgen qysymda», dedi kompanııa ókilderi.
Bul sharalar jańa sorǵy-súzgi stansııasy iske qosylǵanǵa deıin qolǵa alynady. Onyń qurylysy 2021 jyldyń kúzinde bastalǵan.
«Táýligine 105 000 tekshe metr ótkizý qabileti búkil qalany sýmen qamtamasyz etýdi ulǵaıtýǵa múmkindik beredi. Jańa sorǵy jáne súzgi stansııasy qurylysyn aıaqtaý bıylǵy jazǵa josparlanyp otyr. Barlyq tutynýshylardan sýdyń sapasy men mólsherine teris áserdi azaıtý úshin sýdy utymdy paıdalanýdy suraımyz. Túsinistik tanytqandaryńyzǵa raqmet», dedi kompanııa astanalyqtarǵa.
