Banktiń bızneske bólgeni – 100 mlrd teńge

Qaryzdyń eń tómengi somasy 1 mlrd teńgeni quraıdy, ol aınalym kapıtalyn tolyqtyrýǵa, ıaǵnı shıkizat pen materıaldardy satyp alýǵa, sondaı-aq eksporttalatyn ónimdi óndirýge baılanysty aǵymdaǵy shyǵystardy tóleýge baǵyttalýy múmkin. Qaryz mer­zimi – qarjylandyrýdy uzartý ne­mese baǵdarlamalarǵa qaıta qatysý múmkindigimen 1 jyldan 3 jylǵa deıin.

«Sheteldik ótkizý naryq­ta­rynda jumys isteýdi jos­par­lap otyrǵan nemese osy ju­mys­ty jańadan bastaǵan orta kásiporyndarǵa basa nazar aýdarylady. Biz bızneske qoljetimdi qarajat beretin bolamyz, bul rette baǵdarlamalarǵa qatysýshylarǵa qyzmetkerlerdiń jalaqysyn ósirý, eksporttyq túsim kólemi jáne qazaqstandyq qamtý úlesi sııaqty qarsy mindet­te­meler usynylatyn bolady. Osylaısha, biz óńdeýshi ónerkásip kásiporyndaryn ǵana emes, sonymen qatar ilespe ta­ýarlar men qyzmetterdiń otandyq jetkizý­shi­lerin, ıaǵnı shaǵyn jáne orta bız­nesti de qoldaı alamyz», dep túsindirdi QDB Basqarma tóra­ǵasy Nurlan Baıbazarov.

Kásiporyndardy qoldaý baǵ­dar­lamalary uzaqmerzimdi jáne óńdeýshi ónerkásiptiń eksporttalatyn óniminiń kólemin ósirýge, saladaǵy jumys oryndaryn saqtaýǵa jáne ulǵaıtýǵa, mem­lekettik bıýdjetke salyq túsim­derin arttyrýǵa múmkindik beredi.

Damý banki baǵdarlamalarǵa qa­tysýǵa ótinimdi www.kdb.kz resmı saıty nemese klıenttermen jumys jónindegi dıreksııanyń saıtta kórsetilgen baılanys te­le­fondary arqyly berýge bo­la­tyndyǵyn habarlaıdy.