Eń arzan dızel – Kerekýde

Kóktemgi egis jumystary byltyr­ǵy jylmen salystyrǵanda erterek bastalatyny da belgili bolyp otyr. Buıyrtsa, 5 mamyrda dıqandar dán sebýge kirisedi. Oǵan deıin qajetti janar-jaǵarmaı men tuqym, gerbısıdter satyp alynyp, ylǵal jabý, alǵashqy óńdeý jumystary rettelip qoıylsa qup...

О́ńirlik aýyl sharýashylyǵy basqar­masynyń basshysy Marat Aqtaev­tyń aıtýynsha, kóktemgi egis jumys­taryn júrgizý úshin pavlodar­lyq fermerlerge 23,8 myń tonna arzandatylǵan dızel otyny bólindi.

– Traktor otynyna suranysymyz byltyrǵydan 2 myń tonnaǵa joǵary. Operatorlyq qyzmetti esepke alǵanda bir tonna janar-jaǵarmaıdyń quny 228 myń teńgege nemese lıtri úshin 191 teńgege shyǵady. Bul – naryqtaǵy baǵadan 17 paıyzǵa arzan. Respýblıka boıynsha eń arzan dızel otyny bizdiń óńirge tıesili ekenin aıtyp ótkenimiz abzal. Bul kólem aldaǵy aılarǵa bólinip beriledi. Onyń ishinde eń kóbi 9,6 myń tonna sáýir aıyna túsip otyr. «LF TRADE» jáne «TK Parnas» seriktestikteri operator retinde tańdap alyndy. Sońǵy málimetterge súıensek, otynnyń 67 paıyzyna fermerler aqshalaryn aldyn ala tólep qoıypty. Bıyl jańa baǵdarlamaǵa kóship, saldarynan alǵashqyda tehnıkalyq máseleler týyndaǵan edi. Deı turǵanmen qazir sharttar jasalyp, operatorlar janar-jaǵarmaıdy oblysqa jetkizip te qoıdy. Kesteden keshikken joqpyz, – deıdi ol.

Sharýalardy qoldaýǵa 3,6 mlrd teńge bólinipti. Qarajat mıneraldy tyńaıtqyshtar men pestısıdterdiń qunyn, sýarmaly jerlerge sý jetkizý qyzmetiniń baǵasyn sýbsıdııalaýǵa, tuqym sharýashylyǵyn damytýǵa baǵyttalady. Dıqandar oǵan qosa jeńil­detilgen nesıelerge úmit arta alady. «Báıterek» UBH» kompa­nııasynyń qurylymdyq bólimsheleri 30 mlrd teńgeden astam somaǵa nesıe berýdi josparlap otyr. Onyń ishinde «QazAgroQarjy» AQ arqyly – 17 mlrd, «Agrarlyq kredıttik korporasııa» AQ arqyly 13 mlrd teńge baǵyttalady. Osy ýaqytqa deıin jalpy somasy – 1,6 mlrd teńgege 50 nesıe resimdelip úlgeripti.

– «Azyq-túlik korporasııasy» UK» AQ bıyl kóktemgi dala ju­mys­taryn júrgizý úshin AО́K sýbek­ti­lerin qarjylandyrýdyń eki teti­gin iske qo­satynyn jarııalaǵany má­lim. Egis ba­rysyn qarjylandyrý kor­po­ra­sııa­nyń forvardtyq satyp alý jáne taýar­lyq kredıtter berý jolymen, sondaı-aq áleýmettik-kásipkerlik kor­po­ra­sııalary men ekinshi deńgeıli bank­terdiń kepildigimen josparlanady. Qazirgi ýaqytta áleýetti ónim berýshi­lerdiń tizimin qaraý jáne bekitý úshin Úıle­stirý keńesi quryldy. Bul baǵyt­taǵy jumys jalǵasyp jatyr, – dep atap ótti M.Aqtaev.

Aıta keteıik, oblysta astyq kóp ósiriletin óńirlerge Tereńkól, Ertis, Ýspen, Jelezın, Sharbaqty aýdandary enedi. «Pavlodar aýyl sharýashylyǵy tájirıbelik stansasynyń» ǵalymdary egis jumystaryn 3 maýsymǵa deıin aıaqtaýǵa keńes berip otyr.

Pavlodar oblysy