Bul týraly Mádenıet jáne sport vıse-mınıstri Nurǵısa Dáýeshov málimdedi.
Oqytý sharalary aıasynda otandyq kitaphana mamandary túrik kitaphanalarynyń jumysymen tanysyp, tájirıbe almasady. Atap aıtqanda, sırek basylymdar qorymen jumys isteý, restavrasııa tájirıbesi, kitaphanadaǵy aqparattandyrý úrdisi, zamanaýı bıblıografııalyq sharalar jáne t.b. baǵyttar boıynsha biliktilik arttyrady.
Búginde qoldanystaǵy zańnamada belgilengen tártip boıynsha tıisti uıymdastyrý jumystary júrgizilip jatyr.
«Mádenıet jáne sport mınıstrligi jyl saıyn elimizdiń memlekettik mádenıet uıymdary qyzmetkerleriniń alys jáne jaqyn shetelderde biliktilik arttyrý sharalaryn uıymdastyrady. Osyǵan deıin memlekettik mýzeıler men mýzeı-qoryqtardyń, mýzykalyq jáne dramalyq teatrlardyń, kostıým býtoforııasy men kostıým aksessýarlary qyzmetkerlerin oqyttyq. Búgingi kúni qazaqstandyq kitaphanalardaǵy sırek basylymdarmen jumys isteıtin jáne restavrasııa mamandarynyń biliktiligin arttyrý asa mańyzdy bolyp otyr», dedi Mádenıet jáne sport vıse-mınıstri Nurǵısa Dáýeshov.
