Sports.kz habarlaýynsha, kezdesý Astana ýaqytymen 20:00-de ótedi.
Aıta keteıik, Maıamı týrnıriniń bıylǵy júlde qory - 8 800 000 dollar. Jeńimpaz 1 262 220 dollar jınap, 1 000 reıtıngtik upaıǵa ıe bolady.
Buǵan deıin Maıamıde ótken týrnırde Elena Rybakına reseılik Anna Kalınskaıany (64-oryn) 7:5, 4:6, 6:3, ıspandyq Paýla Badosany (29-oryn) 3:6, 7:5, 6:3 esebimen utqan edi. Sonymen qatar ol belgııalyq Elız Mertensti (39-oryn) 6:4, 6:3 jáne ıtalıandyq Martına Trevızandy (24-oryn) 6:3, 6:0 esebimen jeńgen.
Djessıka Pegýlanyń ónerine kelsek, ol jartylaı fınalǵa joldamany kanadalyq Ketrın Sebovty (172-oryn) 6:3, 6:1 esebimen, amerıkalyq Danıel Kollınzdi (30-oryn) 6:1, 7:6 esebimen, polka Magda Lınetti (19-oryn) 6:1, 7:5 jáne reseılik Anastasııa Potapovany (26-oryn) 4:6, 6:3, 7:6 esebimen jeńip alǵan.
Elena Rybakına aty ańyzǵa aınalǵan Serena Ýılıamstyń tarıhı rekordyn qaıtalady.
