«Jedel jete tekserý barysynda sheteldik azamattardyń Qazaqstan aýmaǵyna teńiz jolymen opıattar men basqa da tyıym salynǵan zattardy jetkizýdiń turaqty arnasyn uıymdastyrýǵa qatysy bary anyqtaldy. Jedel qyzmetkerler Kaspıı sý aılaǵy arqyly esirtkini tasymaldaý baǵdarlary men tásilderin egjeı-tegjeıli aıqyndady. Esirtki tobynyń músheleri olardy anyqtaýda qıyndyq týdyrǵan qazirgi zamanǵy spýtnıktik navıgasııa quraldarymen jáne GPS-pen jabdyqtalǵan shaǵyn jyldam júretin kemelerdi paıdalanǵan», delingen habarlamada.
26 naýryzda Mańǵystaý oblysynda operasııanyń aıaqtalý kezeńinde UQK men «A» arnaıy bólimshesiniń qyzmetkerleri esirtki arnasyn uıymdastyrýshyny jáne onyń úsh kómekshisin ustaǵan.
Olardy ustaý UQK Shekara qyzmetiniń katerlerimen jaǵalaý aımaǵyn bógeý arqyly júrgizilgen. Baqylaý ushqyshsyz ushý apparattaryn (UUA) paıdalaný jolymen júzege asyrylǵan.
«Kontrabandashylardyń sý kóligin tekserý kezinde 30 kg-dan astam apıyn jáne 10 qaptama «metadon» psıhotroptyq zaty tabyldy. Osy is boıynsha materıal STBT-da tirkeldi, tergeý is-sharalary prokýratýra organdarymen ózara is-qımylda júrgizilip jatyr», delingen UQK málimetinde.
