Merekelik sharalardyń mýzykalyq apparatýrasyz ári kirmeıtinin túsingen jas kásipker, sol tustaǵy depýtattyqqa úmitker máseleni jýyq arada sheship beretinin ýáde etken. «Ýáde – qudaı aty». Alaıda Álı Dýmanaıuly mektep basshylyǵyna ár kúni sabaq bastalar aldynda Ánuran shyrqalsa degen usynys aıtqan. Aıtylǵandaı, eki jaqty kelisim oryndaldy. Ulan aýdany, Qasym Qaısenov kentindegi R. Mársekov atyndaǵy orta mektepke mýzykalyq apparatýra tartý etilip, oqýshylar sabaq bastalar aldynda Ánurandy shyrqady.
– Adam balasy kúnin qalaı bastasa, solaı ótetin sııaqty kórinedi. Máselen, tańerteń bir ándi estip qalsańyz, kúni boıy sózderi sanańyzda júredi. Sol sekildi Ánurandaǵy rýhty sózder balanyń oıynda júredi. Bul da patrıottyq tárbıeniń bir tetigi. Meniń oıymsha, ár mektepte kúndelikti tańerteń, ekinshi aýysymda oqıtyndar túste Ánurandy shyrqasa, Otanǵa degen súıispenshilik nyǵaıa túsedi. Osyny bilim mınıstrligi tarapynan mektep tártibine bekitip qoısa durys bolar edi, – deıdi Ulan aýdandyq máslıhatynyń depýtaty Álı Dýmanaıuly.
Aıta keterligi, bul kúni R. Mársekov mektebiniń oqýshylary Ánurandy jandy daýysta, ózderi shyrqady. Rýhty, aıbarly estildi.
