Forbes nusqasy boıynsha eń baı qazaqstandyq - Vladımır Kım. Ol - KAZ Minerals kompanııasynyń prezıdenti. Kásipker «Qazaqmys korporasııasy» JShS-niń majorıtarlyq ıesi bolyp sanalady.
Reıtıng boıynsha 636-shy orynda turǵan Tımýr men Dınara Qulybaevtartardyń árqaısynyń aktıvteri 4,3 mıllıard dollardy quraıdy.
Tımýr Qulybaev sıngapýrlyq Steppe Capital Pte Ltd kompanııasynyń úlesine ıe. Ol - Joint Resources AQ-nyń jalǵyz ıesi. Qulybaev «Kıpros» JShS-niń negizgi ıesi, budan basqa Mercury Properties JShS aksııalarynyń baqylaý paketine ıe.
Ol sondaı-aq óziniń zaıyby Dınara Qulybaevamen teń dárejede «Fırma Almeks Plıýs» JShS men «Almeks» holdıngter tobyna ıelik etedi. Halyk Bank-te Qulybaevtar 69,52 paıyzyǵa teń quqyly. Al Dınara Qulybaevanyń ózi Nursultan Nazarbaev Bilim qorynyń jalǵyz quryltaıshysy.
Tizimde Kaspi.kz saıtynyń aksıoneri jáne dırektorlar keńesiniń tóraǵasy Vıacheslav Kım de bar. Onyń baılyǵy 3,6 mıllıard dollarǵa baǵalanady. Osylaısha, Vıacheslav Kım Forbes-tyń 787-shi ornyna turaqtady.
Eń baı qazaqstandyqtardyń qatarynda Tımýr Týrlov ta bar. Ol Forbes real-time jahandyq reıtınginde 3,1 mıllıard dollar baılyǵymen 949-shy orynǵa taban tiredi.
Eń baı qazaqstandyqtardyń tizimin reıtıngtiń 1104-shi qatarynda turǵan Bolat О́temuratov aıaqtady. Jýrnal onyń baılyǵyn 2,7 mıllıard dollarǵa baǵalady.
