Osy oraıda jýrnalıster Fly Arystan kompanııasyn mysalǵa keltirdi.
«Fly Arystan 2019 jyldan beri 8 mıllıon jolaýshyny tasyǵan. Onyń ishinde jolaýshynyń 60%-y 15 myńnan tómen baǵada bılet alǵan. Sol sebepti biz kompanııa loýkoster retinde óz maqsatyn oryndap jatyr dep esepteımiz», dep jaýap berdi Talǵat Lastaev.
Budan buryn senat otyrysynda áýe bıletiniń baǵasyna janarmaıdan bastap basqa da shyǵyndar kiretini aıtylǵan edi.
Jýrnalıster Talǵat Lastaevtan «Bir kún buryn alynǵan reıstiń ushaǵy erekshe janarmaımen usha ma?» dep surady.
«Halyqaralyq avıasııada sondaı ereje paıdalanylady. Bılet quny onyń ýaqytyna baılanysty belgilenedi. Tipti qonaqúıler de osyndaı tájirıbeni qoldanyp jumys isteıdi. Onyń maǵynasy nede? Bılet kóbirek alynsa, bılet baǵasy kóterile beredi. Halyqaralyq tájirıbede «baǵanyń dınamıkaly ózgerýi» degen tásil paıdalanylady», dep jaýap berdi Azamattyq avıasııa komıtetiniń tóraǵasy.
