Bul týraly Mádenıet jáne sport mınıstrligine qarasty Sport jáne dene shynyqtyrý isteri komıteti tóraǵasynyń orynbasary Aıgúl Bektenova málim etti.
«9-14 sáýir aralyǵynda Astanadaǵy Jaqsylyq Úshkempirov atyndaǵy «Jekpe-jek» saraıynda kúres túrlerinen osymen 36-shy Azııa chempıonaty ótpek. Bul jarysqa Azııa qurlyǵynyń 24 memleketinen 300-ge jýyq sportshy qatysady dep josparlanyp otyr. Olardyń arasynda Olımpıada oıyndarynyń 7 júldegeri, Álem chemıpıonattarynyń 5 jeńimpazy qatysady. Sondyqtan, dúbirli doda bolaıyn dep tur. Negizi bul – Azııa chempıonaty, lısenzııalyq týrnır emes. Biraq, Azııa oıyndarynyń aldyndaǵy, Álem chempıonatynyń aldyndaǵy negizgi jarystardyń biri bolyp esepteledi», dedi komıtet ókili brıfıng barysynda.
