Qazaqtar men koreıler birigip kıno túsirýge kelisti

Elimizde «MG Production» men Ońtústik Koreıadaǵy ataqty «Plıýs F» kınokompanııasy uzaq merzimdi kelisimshartqa qol qoıdy Ekiniń biri elimizde «MG Production» dep atalatyn kınokompanııanyń bar ekendigin bilmese de, bir qaýym kórermen osy kompanııa túsirgen «Eles qýǵan saıypqyran», «Obratnaıa storona», «999», «Ana júregi» dep atalatyn kartınalardy kórgen. Sonymen, Qazaq­­­standaǵy atalmysh kompanııa Ońtús­­tik Koreıadaǵy ataqty «Plıýs F» kompanııasymen kórkem fılmder men teleserıaldar túsi­rý týraly uzaq merzim­di áriptestik kelisim­sharty­na qol qoıdy. Máselen, «Plıýs F» kınokompanııasy óz elinde tabysty teleserıaldar men kórkem fılmder túsirýge ábden mashyqtanǵan, abyroıly kartınalar jasaýmen aty shyqqan kınokompanııalardyń biri. Osynaý kınokompanııa túsirgen talaı kartınalar halyqaralyq kınofestıvalderdiń laýreaty atanǵan. Al Qazaqstandaǵy «MG Pro­duction» kınokompanııasynyń da aıaq alysy jaman emes. Bıyl jyl basynda «Eles qýǵan saıyp­qyran» atty ǵylymı fantas­tıkalyq elementteri bar kórkem fılmdi birden eki tilde tartý etkeni oqyrmanǵa aıan. Shyndyǵynda, jańa fılm ekshn janryn jaqsy kóretin kórermenderdiń kóńilinen shyq­qan-dy. Alǵashqy qazaq blokbas­teri aýqymdy speseffektileri­men, sapaly grafıkasymen de erekshelendi. – Bul – kınematografııa sala­synda eki eldiń birigip jumys isteýiniń birinshi mysaly. Ońtústik Koreıanyń tele jáne kı­noónimderi Azııa men TMD elderinde úlken suranysqa ıe. Biz qolǵa alǵan bastama qazaq­standyq-koreıalyq kınojobalardy jańa rynokqa shyǵarýǵa kómektesedi, – deıdi «MG Produc­tion» kınokompanııasynyń bas dırektory Ernar Málikov. Ernar Málikovtiń aıtýynsha, bul qadam Qazaqstan men Ońtústik Koreıa arasyna tartylǵan mádenı kópirdi memlekettik deńgeıde ǵana bekemdep qoımaı, qazaqtar men koreılerdi jaqyndastyra túsýdiń ıgi amaldary bolyp tabylady. – Bizder eki eldiń mádenıet­terin, tarıhı qundylyqtary men ádet-ǵuryptaryn bir-birine bu­rynǵydan da túsinikti etip, ja­qyndastyra berýdi de nıet etip otyrmyz, – deıdi qazaqstandyq kınematograf. Qysqasy, kelisimge kelgen eki kınokompanııa óz jobalaryn júzege asyrý úshin memlekettik telearnalar men kınostýdııalar­dyń kómegine súıenip jáne jeke demeýshiler tartýdy kózdep otyr. Mundaı jobalar – kıno jáne teleserıaldar túsirý óndirisi Qazaqstan úshin kommersııalyq turǵyda tıimdi bolýyna septesedi dep oılaıdy kınogerlerimiz. Aınash ESALI, «Egemen Qazaqstan». ALMATY.