130 myń adamǵa arnalǵan ıgilik

Bul múmkindikterdiń barlyǵy ERG kompanııasy men Pavlodar oblysy ákimdiginiń jańadan qol qoı­ǵan ózara túsinistik jáne áriptestik týraly memorandýmda kórinis tapty. Qujatta Eýrazııalyq top túrli baǵyt­taǵy áleýmettik jobalarǵa ­3 mlrd teńge baǵyttaıtyny jazyl­ǵan. Igilik Pavlodar oblysynyń 130 myń turǵynyn qamtıdy.

Atap óterligi, bul jobalar ERG kásiporyndary ornalasqan óńirler­diń turǵyndary arasynda jyl saıyn júrgiziletin saýaldama qorytyn­dy­sy negizinde, áleýmettik baǵyttar­dy saralaý arqyly iriktelgen. Bıyl memorandým aıasynda bilim berý salasyn damytý men transformasııa­laý, qala ınfraqurylymyn abattan­dyrý, mýnısıpaldyq nysandar men medısınalyq mekemelerdi qaıta jań­ǵyrtý kózdelipti. Bul maqsattarǵa qar­jy bólýdi kompanııa uzaq jyldardan beri jalǵastyryp keledi.

– Bizdiń kásiporyndarymyz orna­lasqan qalalardyń áleýmettik-eko­no­mıkalyq ál-aýqatyn arttyrý qa­myndaǵy júıeli jumys – kor­po­ra­tıvtik jaýapkershiligimizdiń negizi. ERG úshin bul birrettik shara emes. Osy baǵytta naqty nátıjelerge qol jetkizý úshin júıeli jumys isteý­diń mańyzyn jete túsinemiz. Son­dyqtan qyzmetkerlerimizdiń, olar­dyń otbasy músheleri men jalpy biz­diń «týǵan qalalarymyzda» tu­ryp jat­qan qazaqstandyqtardyń ómir sapasyn arttyrýǵa septesetin bar­lyq baǵytqa jiti nazar aýdaramyz. Bıylǵy memorandýmǵa engen jobalar jaıly orta qalyptastyryp, ERG kásiporyndary ornalasqan óńirlerde qazaqstandyqtardyń jańa býyny jeke tulǵa retinde úılesimdi ósip, ór­leýine barynsha yqpal eterine kámil senimdimin, – dep atap ótti ERG dırektorlar keńesiniń múshesi, baqylaýshy keńestiń tóraǵasy Shýhrat Ibragımov.

Qujatta Pavlodar oblysyndaǵy jalpy jáne arnaıy orta bilim berý salasyn odan ári damytý kózdelgen. Osy oraıda ERG óńirde salynatyn eki mekteptiń qurylysyna qarajat bóledi. Oblystaǵy 10 kolledj qoldaý taýyp, materıaldyq-tehnıkalyq bazasyn nyǵaıta alady. Muǵalimder­diń biliktiligin arttyrýǵa septesetin «ERG Mektepke» jáne arnaıy orta bilim berýdi damytýǵa baǵyttalǵan «ERG kolledjderge» baǵdarlamasy da jalǵasyn tabady. Osy qos joba búginge deıin oblystaǵy 3 myń pedagog pen 37,5 myń oqýshyny qamtyp úlgergen. Memorandýmnyń Toraıǵy­rov ýnıversıtetiniń materıaldyq-tehnıkalyq bazasyn nyǵaıtýdy kóz­deıtin tarmaǵyn qosymsha qarjy­landyrý kózdelgen.

Qala nysandaryn qaıta jańǵyrtý men damytý máseleleri jeke tarmaqta ja­zylǵan. Mysal úshin Aqsý qalasynyń jy­lý jelilerine tehnologııalyq aýdıt júr­giziledi. Oblystaǵy 8 kitaphanany qaı­ta jańǵyrtý jobasyn ázirleý kóz­delgen. Onyń qatarynda balalar men jalpyǵa ortaq kitaphanalar, tip­ti kóz janary nasharlaǵan zaǵıp jan­darǵa arnalǵan kitaphana da bar. Eki­bas­tuzdaǵy «Qaınar» oqytý saýyq or­ta­lyǵyna STEM-zerthana satyp aly­nady.

Buǵan qosa Aqsý shaharynda «Tugan Qala» bastamasynyń 11 jobasyn qar­jylandyrý qarastyrylǵan. Bular – áýelde qala turǵyndary ózderi usynyp, keıin sarapshylardyń kómegimen jetilgen baǵyttar. О́tken jyly 2 350 turǵyn daýys berip, iske asýyn qoldaǵan. Jeńimpaz jobalar arqyly Aqsýda jańadan balalar jáne sport alańdary turǵyzyldy. Trotýarlar tóselip, avtokólik jáne velosıped turaqtary salynǵan. Qalalyq jaǵajaı alǵash ret abattandyrylyp, múmkindigi shekteýli jandarǵa da qoljetimdi bola tústi. Tipti qaıyq beketi boı kóterdi.

Al medısına baǵytynda kompa­nııa qarajatyna oblystaǵy neonatolog­terdi oqytyp, Aqsý qalalyq aýrýhanasyn jańǵyrtý, onyń ǵımaratyn qaı­­ta qurýǵa qajetti jobalyq-smetalyq ­qu­­jattamalaryn ázirleý josparlan­ǵan. Odan bólek, Pavlodar qalalyq aýrýhanasyna lıtotrıpsııa jasaýǵa qajetti jabdyqtar satyp alynbaq.

Eýrazııalyq top kásiporyn­dary ornalasqan óńirlerge Eurasian Resources Group quıǵan áleýmettik ın­­ves­­­tısııalardyń jalpy kólemi ­1,1 mlrd dollardan asyp otyr.

Pavlodar oblysy