Kúres • 11 Sáýir, 2023

Elmıra Syzdyqova áıelder kúresinen Azııa chempıonatynyń fınalyna shyqty

461 ret

kórsetildi

1 mın

oqý úshin

11 sáýirde kúresten Azııa chempıonatynda áıelder arasynda jekpe-jek bastaldy. Qazaqstan bes salmaq dárejesinde óner kórsetip, arasynda tek Elmıra Syzdyqova ǵana jarystyń «altyny» úshin beldesýge múmkindik aldy, dep habarlaıdy Egemen.kz.

Aıana TOǴANBEK

Elmıra Syzdyqova áıelder kúresinen Azııa chempıonatynyń fınalyna shyqty

76 keli salmaqta fınalǵa shyǵýy úshin Qazaqstan áıelder quramasy kóshbasshylarynyń biri Elmıra Syzdyqova qytaılyq Jýan Vandy 6:4 esebimen jeńdi. Endi Azııa-2023 chempıony ataǵy úshin sheshýshi beldesýde ol Qyrǵyzstan ókili Aıperı Medetqyzymen kúresedi. Fınal 11 sáýir kúni Astana ýaqytymen 18:00-den keıin ótedi.

Aıta ketsek, Qazaqstan jankúıerleri Azııa chempıonatynyń qola júldesin sarapqa salatyn taǵy eki otandasymyzǵa qoldaý kórsete alady. Aldymen kilemge Marına Sedneva (55 keli) kóterilse, onyń 3-shi oryn úshin beldesýdegi qarsylasy Ngýen Tı Maı Trang (Vetnam) bolady. 59 keli salmaqtaǵy Dıana Kaıýmova qola júlde úshin qyrǵyzstandyq Qalmıra Bilimbekqyzymen kúsh synasady.

Azııa chempıonatynyń ekinshi kúninen keıin Qazaqstan balýandarynyń qorjynynda 8 medal bar. Olardy grek-rım kúresiniń balýandary jeńip aldy. Ibragım Magomadov altyn, Dıas Qalen men Nursultan Tursynov kúmis, Almat Kebisbaev, Oljas Syrlybaı, Amanǵalı Bekbolatov, Muhamedáli Mamyrbek jáne Álimhan Syzdyqov qola júldeger atandy.