«Jalpy, janar-jaǵarmaı baǵasynyń ósýi taýarlardyń qunyna áser etedi, onyń ishinde agroónerkásiptik keshenniń áleýmettik mańyzy bar taýarlarynyń da. Jalpy, saraptamalyq baǵalaýǵa sáıkes, janar-jaǵarmaı baǵasynyń 20%-ǵa ósýi taýardyń ózindik qunynyń 2-den 5%-ǵa deıin artýyna áser etýi múmkin. Biraq qazir kóktemgi sýarý maýsymyna qajetti kólem, ıaǵnı 413 myń tonna aldyn ala qarastyrylyp qoıǵanyn atap ótý kerek. Bul ótken jylmen salystyrǵanda 13 myń tonnaǵa artyq. Baǵasy da naryqtyq baǵadan 20%-ǵa tómen. Sondyqtan janar-jaǵarmaı baǵasynyń, atap aıtqanda dızel otynynyń ósimi qysqa merzimdi perspektıvada baǵalarǵa áser etpeıdi», dedi Erbol Tasjúrekov OKQ-da ótken baspasóz máslıhaty barysynda.
