«Qurmetti áriptester, qadirli dostar!
Búgin bizdiń kásibı merekemiz – Ǵylym qyzmetkerleri kúni. Osyǵan oraı barsha ǵalymdar men zertteýshilerimizdiń dúnıeni tanýǵa degen umtylysyn, olardyń zııatkerlik kúsh-qýatyn, ǵylymı jańalyq ashýdaǵy úlesin erekshe atap ótkim keledi.
Qazaqstannyń ǵylymı qaýymdastyǵy – qısyny qıyn ǵylymı máselelerdi sheshýge qabiletti, zertteý salasynyń jarqyn baǵytyn aıqyndatyn shabyt pen jańashyldyqtyń qaınar kózi. El aldyna qoıylǵan ǵylymı-tehnıkalyq jáne áleýmettik-ekonomıkalyq suraqtardy sheshýde fýndamentaldy da, qoldanbaly ǵylymnyń róli erekshe.
Ǵalymdar, oqytýshylar, zertteýshiler men ǵylymnyń ózge de qyzmetkerleriniń biliktiligin, kásibı jumysyn maqtan tutamyz.
Mınıstrliktiń jáne óz atymnan ǵalymdar men zertteýshilerge, ǵylym salasyna jaqyn barsha ujymǵa alǵysymdy bildiremin. Eren eńbekterińiz ben tájirıbelerińiz – elimizdiń órkendeýiniń baǵa jetpes qaınar kózi!
Ǵylym qyzmetkerleri kúnimen quttyqtaımyn! Jańa belesterdi baǵyndyrýdy, jańa jetistikter men ınnovasııalar tileımin! Qazaqstandyq ǵylymnyń damýyna qosqan úlesterińizge alǵys bildiremin!», delingen habarlamada.
