Qyzylorda oblysynda jappaı tóbelesten keıin toǵyzynshy synyp oqýshysy reanımasııaǵa tústi. Oqıǵa úsh kún buryn bolǵan. Oqýshy aýrýhanaǵa túrli jaraqattarmen jetkizilgen.
«Polısııa oǵan sol mekteptiń oqýshylary shabýyl jasaǵanyn anyqtady. Olardyń beseýi is boıynsha kúdikti dep tanyldy», dep málimdedi 24kz.
Mektep dırektory men onyń orynbasary qyzmetinen bosatyldy. Sondaı-aq 10 polısııa qyzmetkeri jazalandy. Biraq mundaı sheshimge bári birdeı kelisken joq.
«Ol jerde IDN ınspektor tórteý-aq, búkil aýmaqty qamtyp jabý múmkindigi shekteýli. Degenmen profılaktıkalyq jumystar júrgizilip jatyr. Moıyndaımyz, kemshilik bar, sol kemshiliktermen jumys isteımiz», dedi Qyzylorda oblysy PD bastyǵynyń orynbasary Shamshıdın Amıtov.
Oblystyq bilim basqarmasynyń bastyǵy Qazaly aýdanynda ǵana emes, oblystaǵy barlyq bilim berý uıymdarynda tárbıe jumystaryn kúsheıtý, tártip máselesine kóńil bólý, ata-analar komıtetiniń, analar mektebi, ákeler mektebi sekildi balalarmen tyǵyz jumys isteıtin qoǵamdyq uıymdardyń jumysyn kúsheıtý jóninde tıisti tapsyrmalar berilgenin aıtty.
