Qasym-Jomart Toqaev álem elderindegi ǵylymǵa qatysty tujyrymdamalar men olardyń ǵylymdaǵy jetistigin mysalǵa keltirip, Qazaqstan ǵylymyn ilgerletý úshin qazirgi modelge aýqymdy ózgerister engizý qajet ekenien alǵa tartty.
«Ǵylym salasy ulttyq ekonomıkany jańǵyrtý isinde asa mańyzdy ról atqarýǵa tıis. Mysaly, Qytaıda ǵylymǵa negizdelgen qoǵam atty partııa maquldaǵan tujyrymdama bar. Iаǵnı, Qytaıda ǵylymǵa negizdelgen qoǵam tujyrymdamasy bar. Partııa jáne Úkimettiń barlyq mańyzdy sheshimderi mindetti túrde ǵylymı saraptamadan ótýi kerek. Munyń bári Qazaqstan ǵylymynyń damý modelin túbegeıli jańartatyn ýaqyt kelgenin kórsetedi.
Sondyqtan Qazaqstan ǵylymyn damytý úlgisin túbegeıli ózgertý – asa mańyzdy mindet. Qajet bolsa, keleshekte ǵylymı sheshimder men sıfrlandyrýdy negizge alatyn parasatty ekonomıka modeline kóshý kerek bolady. AQSh, Qytaı, Sıngapýr, Japonııa, Ońtústik Koreıa, Túrkııa elderindegi tehnologııalyq serpilisti búkil álem biledi. Olar ǵylymnyń ashyq naryqtyq úlgisine kóshkennen keıin zor jetistikke jetti», dedi Prezıdent.
Sonymen qatar, Memleket basshysy ǵylymnyń memleket qarjysyna táýeldiliginen arylyp, bıznes baǵytyna ıkemdelýi qajet ekenin jáne bul salaǵa ınvestorlardy tartýdyń mańyzdy ekenin aıtty.
«Mundaı úlginiń birqatar ereksheligi bar. Eń aldymen, ǵylymǵa qarjy salýǵa jeke ınvestorlardy yntalandyrý kerek. Tehnologııa sektory alyp-satýdan góri paıdaly ári ómirsheń bıznes ekenine kásipkerlerdiń kózin jetkizý qajet. Sonda ǵana ǵylym men bıznes arasynda ózara tıimdi áriptestik ornaıdy», dedi el Prezıdenti.
