Osy kúnge deıin alty jerlesimiz atalǵan jarysta baq synaý quqyǵyna ıe bolǵan edi. Olar – Kırıll Gerasımenko (jeke jáne juptyq saıys), Alan Qurmanǵalıev (juptyq saıys), Aıdos Kenjeǵulov (aralas juptyq saıys), Denıs Jolýdev (juptyq saıys), Saǵyntaı Qurmambaev (juptyq saıys) jáne Anastasııa Lavrova (juptyq saıys). Kúni keshe olardyń qatary Záýresh Aqasheva (jeke, juptyq jáne aralas juptar saıysy) men Sarvınoz Mirqadyrova (jeke saıys) syndy taǵy eki sportshymen tolyqty.
Sońǵy ret ústel tennısinen álem chempıonaty 2021 jyly Japonııanyń Osaka qalasynda uıymdastyryldy. Sol jarysta sarapqa salynǵan jeti bas júldeniń barlyǵyn da Qytaı qurama komandasynyń músheleri oljalaǵan edi. Al ózge medaldar Ońtústik Koreıa (1 kúmis+3 qola), Soltústik Koreıa (1 kúmis+1 qola), Belgııa (1 kúmis), Taıpeı (2 qola), Japonııa (2 qola) jáne Shvesııaǵa (1 qola) buıyrǵan-tyn.
