QMA taratqan málimet boıynsha, avtobaza dırektory JShS-da basshylyq qyzmet atqaratyn basqa tulǵalarmen júıeli túrde taýarlyq-materıaldyq qundylyqtardy urlap, 45,5 mln teńge kóleminde materıaldyq zalal keltirgen degen kúdikke ilindi.
«Qylmystyq shema kólik quraldarynyń qosalqy bólshekterin esepten shyǵarý, jańasyn alý jáne olardy ornatý ımıtasııalap, qujattarǵa qol qoıýdan turdy. Jańa qosalqy bólshekter bolmaǵandyqtan arnaıy tehnıka isten shyǵyp, uzaq ýaqyt jumys istemeı turǵan. Al joǵaryda atalǵan tulǵalar jańa qosalqy bólshekterdi satyp otyrǵan», dedi QMA baspasóz qyzmeti
Kúdiktiler ustalyp, urlanǵan júk kólikteriniń qozǵaltqyshtary men berilis qoraptary tárkilendi.
«Sot olardyń kinásin tolyq moıyndaýyna baılanysty kúdiktilerge qatysty «úıqamaq» túrindegi bultartpaý sharasyn qoldandy. Bul fakti boıynsha sotqa deıingi tergeý amaldary júrip jatyr», delingen habarlamada.
Tergeý múddesindegi basqa aqparat jarııa etilmeıdi.
