Premer-mınıstr Energetıka mınıstrligine Shymkent munaı óńdeý zaýytynyń qýattylyǵyn buryn josparlanǵandaı jylyna 9 mln tonna emes, qazirgi 6 mln tonnadan 12 mln tonnaǵa deıin arttyrý tásilderin qaıta qaraý qajettigin atap ótti. Sondaı-aq bul jumysty jańadan salynatyn qaıta óńdeý kásiporyndarynyń qurylysymen qatar júrgizý kerek.
«Bizge shala-sharpy jumystyń keregi joq. Bul jobaǵa qomaqty qarjy quıylady, sondyqtan qýattylyqty jylyna 6 mln tonnaǵa dereý arttyrý qajet. JJM-ge degen suranys jyldan jylǵa artyp keledi. Ekonomıka ósýde, halyq sany kóbeıip, kásiporyndar ózderiniń aınalymyn arttyrýda. Bul prosesterdiń bárin, onyń ishinde JJM óndirisin ulǵaıtý arqyly qoldaý qajet», dedi Álıhan Smaıylov.
Sondaı-aq keńeste jańa mádenı-aǵartý nysandaryn ashý, nesıelik turǵyn úılerdi satý, satyp alýdaǵy jergilikti qamtý úlesin arttyrý, «Qaınarbulaq» turǵyn alabyn gazben qamtamasyz etý, ınvestısııalyq jobalardy júzege asyrý úshin áleýmettik-kásipkerlik korporasııalardyń jer telimderin berý tetigin jetildirý jáne taǵy basqa birqatar sharalar qaraldy.
«Memlekettik organdar qala ákimdigimen birlese otyryp, osy tapsyrmalardy ýaqytyly ári sapaly oryndaý úshin barlyq tıisti sharalardy qabyldaýy qajet», dep túıindedi sózin Premer-mınıstr.
