QazUÝ qurylysynyń bastalýyna oraı estelik kapsýlany qondyrý sharasyna Ǵylym jáne joǵary bilim mınıstri Saıasat Nurbek, Almaty qalasy ákiminiń orynbasary Álisher Ábdiqadyrov, QazUÝ-dyń basqarma tóraǵasy-rektor Janseıit Túımebaev, bıznes jáne ǵylym ókilderi, elimizdegi joǵary oqý oryndarynyń rektorlary, iri kompanııa basshylary qatysty.
Jıynda Ǵylym jáne joǵary bilim mınıstri Saıasat Nurbek «QazUÝ-dyń tarıhy tereńde jatyr. Oqý ordasy alǵash akademııalyq qalashyq modelimen salynǵan bolatyn. 1974-75 jyldardan keıin ýnıversıtetke keń kólemde ınvestısııa quıylmaǵan. Sondyqtan búgingi sharanyń mańyzy óte joǵary. Jospardy Memleket basshysy Qasym-Jomart Kemeluly qoldap otyr. Qara shańyraq QazUÝ-dyń ekinshi tynysy ashyldy deýge bolady», dedi mınıstr.
Shara barysynda Almaty qalasy ákiminiń orynbasary Álisher Ábdiqadyrov sóz sóılep, QazUÝ ujymy men bilim alýshy jastaryn aıtýly kúnmen quttyqtady.
О́z kezeginde ýnıversıtet rektory Janseıit Túımebaev QazUÝ qurylysynyń II kezeńin júzege asyrý stýdentter úshin jasalyp jatqan bastama ekenin jetkizip, «QazUÝ elimizdegi irgeli, kóshbasshy oqý orny retinde álemge tanymal. Elimizdiń jáne sheteldiń kóptegen jastary zamanǵa saı bilim alý úshin Qazaq ulttyq ýnıversıtetin tańdaıdy. Búginde oqý ordasynda 24 myńnan astam stýdent bilim alyp jatyr. Onyń ishinde 50-ge jýyq memleketten kelgen 3 myńnan astam sheteldik stýdent bar. QazUÝ QS WUR álemdik reıtınginde 150-orynǵa kóterildi. Memleket basshysy bul jospardy ótken jyly ýnıversıtetimizge jumys saparymen kelgende kórip, barlyq bastamalarymyzǵa qoldaý kórsetti. Búginnen bastap Prezıdent bekitken jospar boıynsha QazUÝ qalashyǵynyń II kezeńin iske asyrý jumystary bastalady», dep atap ótti.
Aıtýly shara barysynda keleshek urpaqqa joldaý jazylǵan hat arnaıy kapsýlaǵa salyndy. Bolashaqqa jazylǵan hatta: «Biz QazUÝ-dy jańǵyrtýdyń jańa dáýiri qarsańynda turmyz. Bul – ýnıversıtet úshin tarıhı sát. Mine, búgin qurylysy bastalǵaly turǵan stýdentter qalashyǵyn jańǵyrtýdyń II kezeńinde jasalatyn jumystyń bári sizderdiń ıgilikterińiz úshin. Osy jataqhanada turyp, oqý korpýstarynda bilimmen qarýlanyp, erteńgi kúni elge qyzmet etedi degen úlken úmitimiz, zor senimimiz bar. О́ıtkeni el bolashaǵy sizderdiń qoldaryńyzda» delingen.
Ál-Farabı atyndaǵy QazUÝ baspasóz qyzmetiniń málimetinshe, aldaǵy josparda qalashyqta 14 700 oryndyq oqý ǵımarattary, 12 myń sharshy metr ákimshilik korpýstar, 35 000 sharshy metr emhana, 3000 sharshy metr sporttyq-saýyqtyrý ortalyǵy, qyzmetkerlerge arnalǵan turǵyn úı, ınnovasııalyq ortalyq, ǵylymı-zertteý ortalyǵy, tehnopark jáne stýdentter men magıstrlarǵa, doktoranttarǵa úsh gektar jerge 12 myń tósek-orynǵa arnalǵan jataqhanalar boı kóteretin bolady. Sondaı-aq qoldanystaǵy jataqhanalar, oqý korpýstary men ákimshilik ǵımarattar kúrdeli jóndeýden ótedi.
