Tóreshilik qyzmetti kásip etken otandyq mamandar semınar barysynda biliktilikterin arttyryp qana qoımaı, emtıhan tapsyryp, sonyń qorytyndysy boıynsha arnaıy sertıfıkat aldy. Atap aıtsaq, jerlesterimizdiń arasynan Samat Sapashev «IJF International» dárejesine kóterildi. Iаǵnı ol aldaǵy ýaqytta Olımpııa oıyndary men álem chempıonattary jáne basqa da asa iri halyqaralyq jarystarda qazylyq etý quqyǵyna ıe bolady. Ashat Jıtkeev pen Nıkolaı Ivanovqa «IJF Continental» sertıfıkaty tabys etildi. Bul mamandardy endi biz qurlyqtyq dodalardan kóre alamyz.
IJF tóreshiler komıssııasynyń tóraǵalary Armen Bagdasarov pen Danıel Laskaý jáne Azııa dzıýdo odaǵy tóreshiler odaǵynyń dırektory Mýn Von Boeniń jetekshiligimen ótken semınar barysynda alys-jaqyn shet memleketterden kelgen 19 tóreshige qurlyqtyq jáne 21 qazyǵa halyqaralyq dárejedegi sertıfıkat berildi.
