QR Aqparat jáne qoǵamdyq damý mınıstri Darhan Qydyráli Mysyr Arab Respýblıkasynyń Qazaqstandaǵy Tótenshe jáne О́kiletti Elshisi Manal El-Shınnavıdi qabyldady.
Kezdesý barysynda Darhan Qydyráli mınıstrlik jetekshilik etetin salalarǵa qatysty júrgizilip jatqan jumystar týraly habardar etti.
Taraptar eki el arasyndaǵy salalyq baǵyttar boıynsha yntymaqtastyqty nyǵaıtý, medıa, din, jastar salasynda ortaq jobalar jasaý, ózara tájirıbe almasý máselelerin talqylady.
Mınıstr Darhan Qydyráli Uly dalanyń dańqty perzenti Sultan Baıbarystyń 800 jyldyǵyna oraı arnaıy derekti fılm túsirilip, úlken zertteý eńbegi ázirlenip jatqanyn atap ótti.
О́z kezeginde Mysyr elshisi Manal El-Shınnavı Sultan Baıbarystyń 800 jyldyq mereıtoıyn keń kólemde atap ótýge atsalysýǵa nıetti ekenin jetkizdi. Sonymen birge, jan-jaqty yntymaqtastyqty odan ári damytýǵa jáne birlesken jobalardy iske asyrýǵa daıyn ekenin aıtty.
Sonymen qatar, Nur-Múbarak Egıpet ıslam mádenıeti ýnıversıtetine qatysty máseleler qozǵaldy, onyń aldaǵy Qamqorshylar keńesiniń otyrysyn ótkizý jóninde pikir almasty.
