Bolǵan jaǵdaıdy Oljas Qaldybaev Instagram-daǵy paraqshasynda baıandap, oqıǵa ornynan beınematerıal júktedi.
Onyń aıtýynsha, tapansha men myltyq ustaǵan úsh jigit onyń sómkesin tartyp alǵan. Biraq qazaq balasy olardyń birin qýyp júrip ustaǵan, keıin polıseılerdi kútken. Sol mezette barlyǵyn vıdeoǵa túsirip alýǵa da úlgergen. Sol kezde qaraqshynyń eki dosy qoldaryna tapansha ustap, sybaılasyn bosatý úshin qaıta oralǵan. Olar qazaq jigitine shabýyl jasaǵan. Alaıda, Oljas Qaldybaev qarsylyq kórsetip, qarýdy tartyp alǵan. Biraq urylar qashyp ketken.
Kóp uzamaı oqıǵa ornyna polıseıler de kelip jetken. Qaraqshylardy izdeýge 6 polısııa kóligi men tikushaq jumyldyryldy.
Polıseılerdiń biriniń sózinshe, qazaq jigiti qaraqshylardan tapansha pen avtomat tartyp alǵan.
«Mundaıdy Amerıkada buǵan deıin eshkim kórmegen», dedi polısııa qyzmetkerleri.
