Zertteý ýnıversıteti jáne sıfrlyq medıa

Jýrnalıstıka salasynda bilim berýdi birlesip sheshýge arnalǵan kezdesýdi BUU Jahan­dyq kommý­nıkasııalar depar­tamentiniń ókili, BUU Qazaq­standaǵy Aqpa­rat bıýrosy­nyń basshysy Vlas­tımıl Samek ashyp, zamanaýı jýr­nalıstı­ka­nyń qaı baǵytta damıtyny óte mańyzdy másele ekenin aıtty.

– Búginde sapaly bilim be­rý, turaqty damý úshin jýr­na­lıstik bilim berý jónin­degi jahandyq bastamalardy qol­daı otyryp, jýrnalıstıka páni oqytylatyn barlyq ýnı­versıtettiń bur­ma­lan­ǵan aqpa­ratqa jol ber­meýi, jaýap­ker­shiligin arttyrý, aq­paratty jyldam ári shynaıy jetkizý sıfrly ǵasyrdaǵy mańyz­dy máseleniń biri. Osy oraıda Qazaq­standa da jýrnalıs­tıka ma­mandyǵy boıynsha ózara bir­les­e otyryp, bilim berýdi jetil­­dirý úshin kásibı áriptestik baı­lanys ornatý mańyzdy, – dedi V.Samek.

Joǵary bilim berýdi buqara­landyrý jáne jýrnalıstıka mamandyǵy boıynsha bilim berý, dúnıe júzi halyqtary arasyndaǵy baılanys pen mádenıetaralyq qundylyqtar jaıyndaǵy zertteýler men usynys-pikirlerdi ortaǵa salǵan sarapshylar О́zbekstan, Qyrǵyzstan jáne Qazaqstan Ortalyq Azııa ýnıversıtetteri aıasynda qurylǵan jýrnalıstıka qaýymdastyǵy, Eýropa, Taıaý Shyǵys jáne Ortalyq Azııa ǵa­lym­darynyń arasyndaǵy yq­pal­dastyqtyń mańyzdy ekenin tilge tıek etti. Sıfrly keńistikte ǵylym men ınnovasııanyń damýy, aqparattyń dáldigine kóz jetkizý, jýrnalıstıka ǵylymyn damytý, qashyqtan aqparat alýdyń tehnıkalyq múmkindikterine qa­tysty aıtylǵan sarapshylar usynysy qyzý pikirtalasqa ula­syp, máseleler ortaǵa salyndy.

Qazaqstandaǵy jýrnalıst ǵalymdardyń bastamasy­men 2019 jyly Tashkent qala­synda Ortalyq Azııa ýnıver­sı­tet­teri jýrnalıstıka qaýym­das­tyǵy qurylǵan bola­tyn. Osy yq­pal­dastyq aıasyn­da jal­­­­ǵasyn tapqan forýmda ne­­giz­­gi baıan­damashylardyń biri, Arıel ýn­vıersıtetiniń (Iz­raıl) Kom­mýnıkasııa jáne jýr­­­na­­­lıstıka mektebiniń professory Dmıtrıı Strovskıı jýrna­lıstıkanyń jahandyq mıssııa­syna erekshe toqtala kelip, qazir­gi basty qundylyq qoǵamnyń shyn­dyq pen ádildikke degen senimin oıatý ekenin atap ótti.

Qyrǵyzstan Onlaın ýnıver­sıtetiniń prezıdenti, medıasynshy, PhD Elıra Týrdýbaevanyń aıtýynsha, Ortalyq Azııada kún saıyn ózgerip otyrǵan buqaralyq aqparat quraldary, jýrnalıstıka jáne buqaralyq-sıfrly kommýnıkasııa týraly zertteýler men ǵylymı maqalalar tapshy. Forým barysynda E.Týrdýbaeva men Jańa Zelandııadaǵy Oklend ýnıversıtetiniń professory, PhD Evangelııa Papoýtsakıdiń redaktorlyǵymen AQSh-tyń «Lexington Books» baspasynan jaryqqa shyqqan «Mapping the Media and Communication Landscape of Central Asia An Anthology of Emerging and Contem­porary Issues» kitaby ta­nys­­tyryldy. Atalǵan antolo­gııany Ortalyq Azııadaǵy zert­t­eý­shiler men joǵary oqý orynda­rynyń oqytýshylary paıdalana alady.

Sonymen qatar forýmda Or­talyq Azııa jýrnalıstıka ýnı­versıtetteri qaýymdastyǵy ǵalymdarynyń ǵylymı eńbekteri akademııalyq qaýymǵa tanys­tyryldy. QazUÝ jýrnalıstıka fakýltetiniń professory Gúlmıra Sultanbaeva, ǵalymdar Olga Lojnıkova men Anastasııa Gorbýnovanyń avtorlyǵymen jaryq kórgen «Infodemııa cherez prızmý medıaprofılaktıkı» ujymdyq monografııasy áleýmettik medıa bilim berý salasyndaǵy ınfodemııanyń aldyn alý máselelerine qatysty zertteýlerdi qamtıdy.

Medıaforýmda Ortalyq Azııa ýnıversıtetteri jýrnalıs­tıka qaýymdastyǵynyń qarary qa­byldandy. Álemdegi kúrdeli geosaıası jaǵdaıda óńirdiń akade­mııalyq yqpalyn arttyrýdy kózdeıtin dıalog alańy BBU-nyń kommýnıkasııa salasyndaǵy «Ǵalamshar múddesi, teńsizdik pen jalǵan aqparatpen kúres úshin jumylý» bastamasy aıasynda qabyldanǵan qarardy qabyldaýmen jalǵasyn taýyp, adamzat damýyna kedergi bolatyn jalǵan ári shıelenis týǵyzatyn aqparat kózderine tosqaýyldyń mańyzdylyǵyn kún tártibine qoıdy. Osy qujat negizinde «Ortalyq Azııa elderindegi jýrnalıstıka zertteýleri: Turaqty damý maqsattaryndaǵy progress» atty IV jýrnalıstıka semınaryn Tashkentte ótkizý josparlandy.

ALMATY